GÉNESIS 37:22 - Dios Rimashcata Quillcashcami

²² Ñucanchic huauquitaca ama yahuarta jichaichicchu. Cancunapac huauquitaca imata mana ruhuanachu canguichic, ashtahuanpish shitashca pambapi tiyac jutcupi shitaichic— nircapishmi. Rubenca paipac huauquicunapac maquimanta quishpichishpa, taitapacman cutichingaraicumi, chashnaca nirca.

GÉNESIS 37:22 Referans Kwoze

HECHOS 12:1

Chai punzhacunallatacmi jatun mandac Herodesca maijan criccunata piñashpa, llaquichingapac japichi callarirca.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

DEUTERONOMIO 13:9

Ashtahuancarin huañuchinatacmi cangui. Huañuchingapac japishpaca canracmi rumihuan shitana cangui. Quipataca tucui gentecunami rumihuan shitashpa huañuchina can.

ÉXODO 24:11

Shina israelcunata pushac yuyaccuna Diosta ricucpipish, Diosca mana llaquichircachu. Chaimantami paicunaca micushpapish, ubiashpapish carcacuna.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

GÉNESIS 37:21

Paicuna chashna parlanacucta Rubén uyashpaca, huauquicunapac maquimanta quishpichisha nishpami: —Ama huañuchishunchic.

GÉNESIS 37:23

José ña paipac huauquicunapacman chayacpica, paipac tucuilaya color sumac jahualla churanata quichushpami,

JEREMÍAS 36:25

Elnatán, Delaía, Gemarías ama rupachichu nicpipish, jatun mandacca mana uyarcachu.