GÉNESIS 36:33 - Dios Rimashcata Quillcashcami

³³ Bela huañucpica, Bosramanta Zerapac churi Jobabmi paipac randi mandacurca.

GÉNESIS 36:33 Referans Kwoze

JEREMÍAS 49:22

Bosrapi causaccunata llaquichingapacca shuc águila alasta pascashpa shamuc shinami shamunga. Chai punzhacunapica Edom llactapi ashtahuan cari tucushca runaca sajuarina nanai huarmita japishca shinami tucunga» ninmi.

JEREMÍAS 49:13

Bosra llactaca tucui urmachishca, mana alli nishca, shitashca pambami saquinga. Shinallatac muyundi caishuc llactacunapish chashnami huiñaita urmachishca canga. Mandac Dios ñucapac shutipimi nini» ninmi.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

AMÓS 1:12

Chaimantami Temán llactapica ninata churasha. Chai ninami Bosra llactata mandashpa tiyana huasicunatapish tucui rupachinga» ninmi.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

GÉNESIS 36:32

Edom llactataca Beorpac churi Belami mandacurca. Pai mandana puebloca Dinabami carca.

GÉNESIS 36:34

Jobab huañucpica, Temán llactamanta Husammi mandacurca.

JEREMÍAS 48:24

Queriot, Bosra, Moab llacta llactacunatapish, carupi, cuchullapi cac llactacunatapish taripashpa llaquichina punzhami shamushca.