GÉNESIS 35:16 - Dios Rimashcata Quillcashcami

¹⁶ Chai quipaca Bet-el llactamanta Efrata llactaman chayangapac asha tiyacpiracmi, Raqueltaca sajuarina nanai japirca. Shinami sinchi nanaihuan sajuarirca.

GÉNESIS 35:16 Referans Kwoze

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SAN MATEO 2:18

Paica: «Ramá pueblopica ¡alau! nishpa caparishcami uyarirca. Chaica Raquelmi, paipac huahuacunamanta huacacurca. Huahuacuna huañushcamantami Paitaca pipish mana cushichi pudircachu» ninmi.

GÉNESIS 48:7

Cambac mama Raquelca ñuca Padan-aram llactamanta shamucucpimi, Efrataman chayana Canaanpi huañurca. Paitaca Efrataman rina ñanllapitacmi enterrarcani. Chai pushtuca Belenmi— nirca.

1 TIMOTEO 2:15

Shina cashpapish huahuacunata charic huarmica alli cric cashpa, cuyashpa, alli yuyaihuan, Diospaclla causashpaca quishpiringami.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SALMOS 132:6

Arcamantaca Efrata pueblopimi uyarcanchic. Achca yuracuna tiyac pambapimi tarircanchic.

1 CRÓNICAS 2:19

Azuba huañucpica, Efrata huarmihuanmi Calebca cazararca. Chai huarmimi Hur cari huahuata charirca.

2 REYES 5:19

Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

RUT 1:2

Chai runaca Elimelecmi carca. Paipac huarmica Noemimi carca. Churicunaca Mahlón, Quelionmi carca. Paicunaca Judá llacta Belén pueblomanta efrateopurami carca. Moab llactaman chayashpaca chaipi causangapacmi saquirircacuna.

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

GÉNESIS 3:16

Cutin huarmitaca: —Can huicsayuc cacpica, yalli nanaitami mirachisha. Yalli nanaihuanmi huahuata sajuaringui. Canca cusahuan canatami munangui. Cusami cantaca mandanga— nirca.

RUT 4:11

Shina nicpimi, pushac yuyaccunahuan chai pungupi tiyacuc gentecunaca: —Ari, ricunchicmi. Cambac huasiman yaicuc huarmitaca Raquel, Leata ayudashca shinallatac Mandac Dios ayudachun. Paicunamantami ñucanchic israelcunaca mirai callarishcanchic. ¡Canpish Efrata nishca Belén pueblopica alli nishca, tucuipac ricsishca causachunmi munanchic!

1 SAMUEL 4:20

Nanaihuan huañunalla siricucpimi, paipac ladopi cac huarmicunaca: «Ama manchaichu, cari huahuatami charishcangui» nirca. Shina nicpipish, paica ima nishcatapish, mana uyashpami upalla carca.

1 SAMUEL 10:2

Cunan ñucapacmanta can rishpaca, Benjamín llacta Selsa pueblopimi Raquelta enterrashca ladopi ishcai runacunahuan tupangui. Paicunaca: “Can mashcacushca burrocunaca ñami taririshca. Cambac taitaca chingarishca burrocunamantaca mana llaquiricunchu. Ashtahuanpish cancunamanta llaquirishpami: ‘Ñuca churica mana uyarinchu. ¿Imatatac ruhuashayari?’ nicun” ninga.