GÉNESIS 35:11 - Dios Rimashcata Quillcashcami

¹¹ Shinallatac Diosca: «Ñucaca imatapish ruhuaclla Diosmi cani. Canca achca huahuayucmi tucungui. Chai huahua huahuacunamantaca shuctac llactacunami tucunga, canmantami jatun mandaccunaca llucshinga.

GÉNESIS 35:11 Referans Kwoze

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 9:1

Diosca Noetapish, paipac churicunatapish bendiciashpaca: «Achca huahuacunayuc tucushpa, mirarishpa, tucui cai pachapi jundarichic.

2 CORINTIOS 6:18

Ñucaca cancunapac Taitami casha, Cancunaca ñuca churicuna, ñuca ushicunami canguichic» ninmi.

ÉXODO 6:3

Ñucami tucui imatapish ruhuaclla Dios cani. Ñucami Abrahammanpish, Isaacmanpish, Jacobomanpish ricurircani. Shina cashpapish, ñucaca Mandac Dios shuti cashcataca paicunamanca mana ricsichircanichu.

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

GÉNESIS 32:12

Canca ñucataca: “Imapipish allicunata cushpami pushasha. Cambac huahua huahuacunataca mama cucha tiyu shina, mana yupaipactami mirachisha” nircanguimi— nishpami mañarca.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 18:18

¿Paimanta alli sinchi, jatun llacta tucugricucpi, shinallatac tucui cai pachapi causaccuna paimanta bendiciashca cagricucpichu mana huillana cani?

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 46:3

Chashna nicpimi Diosca: —Ñucaca Diosmi cani, cambac taitapac Diosmi cani. Egipto llactapimi cambac huahua huahuacunamantaca jatun llactata ruhuasha. Chaimanta ama manchashpa, chaiman rilla.

GÉNESIS 9:7

Ashtahuanpish cancunaca achca mirashpa, achca tucushpa, cai pachapi jundaichiclla» nirca.

GÉNESIS 17:4

—Riqui, caimi ñucahuan canhuan ari nishcaca. Canca achca gentecunapac taitami cagringui.

GÉNESIS 36:31

Edom llactapi israelcuna manarac mandacta charicpica, cai jatun mandaccunami mandacurca:

GÉNESIS 47:27

Chashnami Israel runacunaca Egipto llactapi tiyac Gosén llactapi yallita mirarishpa, allpata japishpa causarca.

LEVÍTICO 26:42

ñucapish Jacobohuan, Isaac-huan, Abrahamhuan ari nishcatapish, allpata cushami nishcatapish yuyarisha.

1 CRÓNICAS 16:17

Chaitaca mandashca cachunmi, Jacoboman curca. Israelmanca huiñaipacmi, ari nirca.

ÉXODO 2:24

Diosca paicuna llaquilla cashpa, mañashcata uyashpami Abrahamhuan, Isaac-huan, Jacobohuan ari nishcata yuyarirca.

1 CRÓNICAS 16:16

Abrahamhuan, Isaac-huan ari nishcataca, mana cungarinchu.

1 CRÓNICAS 16:18

Paica: “Can japinataca Canaán llactatami cusha” nircami.