GÉNESIS 34:20 - Dios Rimashcata Quillcashcami

²⁰ Chaimantami paipish, paipac taitapish chai llacta yaicunaman rishpa, chaiman yaicuccunataca:

GÉNESIS 34:20 Referans Kwoze

RUT 4:1

Boozca pueblo yaicuna punguman rishpami tiyarirca. Chaipimi Booz rimacushca paipac familia runaca chaita pasacurca carca. Paita ricushpami Boozca: —Uyai, caiman shamui, caipi tiyari— nirca. Shina nicpimi, chai runa rishpa chaipi tiyarirca.

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

AMÓS 5:10

Cancunaca llacta pungupi cunac runatapish, cashcata rimactapish mana ricusha nishpa millarcanguichicmi. ¡Aij imachari tucunguichic!

PROVERBIOS 31:23

Pushac yuyaccunahuan paipac cusa pueblo pungupi tiyaricpica tucuimi ricsin.

JOB 29:7

Ñuca pueblo punguman ima ruhuashcacunata ricungapac ricpica, plazapimi tiyarinata allichiccuna carca.

2 SAMUEL 15:2

Absalonca utca jatarishpami, puebloman yaicuna ñanpi shuyagrirca. Chaipimi maijan piñanacushpa, ima llaquihuan cashpa jatun mandacta allichichun mañac shamuccunataca: «¿Maijan pueblomantatac canguichic?» nishpa tapuc carca. Shina tapucpimi maijancunaca «Canta servic ñucaca Israel aillupuramantami cani» nic carca.

DEUTERONOMIO 17:5

carita, mana cashpaca huarmita llactamanta llucchishpa, llacta pungupi huañungacaman rumihuan shitanguichic. Chashna shitacpimi, chai mana allita ruhuacca huañunga.

GÉNESIS 23:10

Heteopuramanta Efronca Hetpac churicunahuanmi tiyacurca. Chaipimi Hetpac churicunapac ñaupapipish, chai llactacunapi yaicuccunapac ñaupapipish Abrahamtaca:

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 34:19

Jacobopac ushita yallita munashcamantami chai mosoca utca circuncisionta ruhuarca. Siquemca paipac taitapac huasi ucupica mai alli nishcami carca.

GÉNESIS 34:21

—Cai runacunaca ñucanchic-huan apanacucmi, cai llactapimi randishpa, catushpa causagrincuna. Caipica achca allpami tiyan, shinallatac ñucanchicpish paicunapac ushicunahuan cazarai pudinchicmi, cutin paicunapish ñucanchic ushicunahuan cazarai pudincunami.

SALMOS 127:5

Huasi junda chashna churicunata charic runaca cushicunmi. Juezcunapac ñaupapi paita piñaccunahuan rimarinacushpapish mana pingaichishcachu canga.