GÉNESIS 33:18 - Dios Rimashcata Quillcashcami

¹⁸ Chai quipaca Jacobo Padan-aram llactamanta shamushpaca, Canaán llactapi cac Siquem llactamanmi cushilla chayarca. Chashnami chai llacta chimba ladopi causai callarirca.

GÉNESIS 33:18 Referans Kwoze

HECHOS 7:16

Unai huatacuna quipami paicunapac tullucunataca Siquem llactaman apamurca. Chai Siquem llactapimi, Abrahamca Hamorpac churicunaman enterrana allpata randishca carca. Chaipimi chai tullucunataca enterrarca.

JUECES 9:1

Jerobaalpac churi Abimelecca paipac mamapac turicunahuan parlangapacmi Siquem puebloman rirca. Chaipi paicunahuan parlashpami paipac mamapac taitamanta familiacunataca:

JOSUÉ 24:1

Josueca tucui Israel aillucunata Siquem pueblopi tandachishpami, israelcunata pushac yuyaccunata, juezcunata, quipa mandaccunatapish Diospac ñaupapi tandachirca.

SAN JUAN 4:5

Chashna ricushpami, Samaria llacta Sicar puebloman chayarca. Chai puebloca Jacobo paipac churi Joseman cushca allpa ladopimi carca.

GÉNESIS 25:20

Isaacca chuscu chunga huatayuc cashpami, Padan-arammanta arameopuramanta Betuelpac ushi Rebecahuan cazararca. Rebecaca arameocunapuramanta Labanpac panimi carca.

SAN JUAN 3:23

Juanpish chai punzhacunallapitacmi, Salim llacta cuchulla Enón llactapi, chaipi achca yacu tiyashcamanta bautizacurca. Chaipimi paipacman shamuc gentecunata bautizacurca.

GÉNESIS 46:15

Paicunami Padan-aram llactapi causacushpa, Jacobo Lea huarmipi charishca huahuacunaca. Shinallatac Dina ushitapish charircami. Tucui churicunandi, ushicunandica quimsa chunga quimsami carca.

GÉNESIS 35:9

Jacobo Padan-arammanta cuticucpimi, Dios cutin ricurishpa, paita bendiciarca.

GÉNESIS 28:2

Padan-aram llactapi causac cambac mamapac taita Betuelpac huasiman ri. Chaipi cambac mamapac huahua Labanpac ushicunamanta maijanhuan cazarangui.

GÉNESIS 12:6

Abramca chai llactata rishpami, Siquem llactacaman chayashpa, Moré nishca encina yura ladoman chayarca. Chai llactapica cananeocunami causarca.

GÉNESIS 37:13

Taita Israelca Josetaca: —Cambac huauquicunaca Siquem ladopimi ovejacunata michicun. Shamui, paicunata ricugringui— nirca. Shina nicpimi paica: —Caipimi cani— nirca.

GÉNESIS 48:7

Cambac mama Raquelca ñuca Padan-aram llactamanta shamucucpimi, Efrataman chayana Canaanpi huañurca. Paitaca Efrataman rina ñanllapitacmi enterrarcani. Chai pushtuca Belenmi— nirca.

SALMOS 60:6

Diosca paipac huasipica: «Ñucaca cushicushpami, Siquem llactata chaupishpa cusha. Sucot pambatapish medishpa cusha.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

GÉNESIS 31:25

Labanca Galaad urcupi Jacobo carpa huasicunapi samaricucpimi chayarca. Chaillapitacmi Labanpish, familiacunandi saquirirca.