GÉNESIS 33:10 - Dios Rimashcata Quillcashcami

¹⁰ Shina nicpipish Jacoboca: —Huauquilla, cambac ñahuita ricushpaca, Diospac ñahuita ricuc shinami cushicuni. Canca mai sumactami chasquishcangui. Chaimanta cambac ñahuipi alli ricurishca cacpica, cai convidanacunata chasquiyari.

GÉNESIS 33:10 Referans Kwoze

JOB 33:26

Diosta mañacpica, paica cuyanmanmi. Paipac ñahuita ricushpami cushicushpa caparinman. Runataca cashcata ruhuactami ruhuanman.

APOCALIPSIS 22:4

Diostaca ñahui ñahuimi ricungacuna. Shinallatac paipac shutitapish frentepi churashcami canga.

JEREMÍAS 31:2

Mandac Diosca: «Jatun macanacuipi mana huañushca israelcuna samanata mashcashpa, shitashca pambata ricucpimi, ñuca cuyaita ricuchircani.

GÉNESIS 32:30

Chaimantami Jacoboca chai pambataca: «Diosta ñahui ñahui ricurcani, ñuca almatapish cacharichircami» nishpami «Penielta» shutichirca.

SALMOS 41:11

Ñucata piñaccuna cushicuchunca amatac saquinguichu. Chashna ruhuacpimi, ñuca canhuan alli causacushcata yachasha.

2 SAMUEL 14:32

Shina nicpimi, Absalonca Joabtaca: —Riqui, ñucami cantaca cayachun cacharcani. Cantaca jatun mandacpacman rishpa: “¿Imapactac ñucataca Gesur pueblomanta cayachun cacharcangui? Ñuca caipi cashna canapac randica chaillapitac saquirishpami alli caiman carcani. Cunanca can jatun mandactaca ricusha ninimi. Ñuca ima mana allita ruhuashca cacpica, huañuchichunlla” nichunmi cantaca cachasha nircani— nirca.

2 SAMUEL 14:28

Absalonca ishcai huatata Jerusalenpi causacushpami paipac taita jatun mandacpac ñahuitaca mana ricurca.

2 SAMUEL 14:24

Shina cacpipish, jatun mandacca Absalontaca: —Ñuca ñahuita mana ricushpa, paipac huasiman richunmi mandarca. Chaimantami Absalonca paipac ñahuita mana ricushpa, paipac huasiman rircalla— nirca.

2 SAMUEL 3:13

Shina nicpimi Davidca: —Ari, allimi. Shina cacpipish ñucata ricungapac shamushpaca, Saulpac ushi Micaltaracmi apamuna canguichic. Chashna apamucpica, canhuan ari nishallami— nirca.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.

RUT 2:10

Shina nicpi, Rut pambacaman cumurishpaca: —Can ñucata alli chasquichunca, ¿imamantatac cambac ñahuipi alli ricurircaniyari? Ñucaca shuctac llactamanta shamushcallami cani— nirca.

GÉNESIS 50:4

Duelo cana punzhacuna tucuricpi, Joseca Faraonpac huasipi causaccunataca: —Ñuca cancunapac ñahuipi alli ricurishca cacpica, Faraontaca:

GÉNESIS 47:29

Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

GÉNESIS 19:19

Cancunata servic ñucaca cancunapac ñahuipica allimi ricurishcani. Huañuimanta quishpichishpami, mai cuyashcata ricuchishcanguichic. Shina cacpipish, urcuman miticungapac mana ri pudishachu. Manarac chayacpimi, llaqui japishpa huañuchinga.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

GÉNESIS 43:3

Shina nicpimi Judaca: —Chai mandacca cutin cutinmi: “Cancunapac huauquita mana pushamushpaca, ñuca ñahuipi amatac ricuringuichicchu” nirca.

GÉNESIS 33:9

Shina nicpimi Esauca: —Ñuca huauquilla, ñucaca yalli yallitami charini, cambac charishcacunaca cambacllatac saquirichun— nirca.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.