GÉNESIS 32:28 - Dios Rimashcata Quillcashcami

²⁸ Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 32:28 Referans Kwoze

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

GÉNESIS 35:10

Chaipimi Diosca: «Canca Jacobo shutimi cangui. Quipamanca mana Jacobo shutichu cangui, ashtahuanpish Israel shutimi cangui» nirca.

GÉNESIS 17:5

Cantaca achca gentecunapac taita cachunmi churani. Chaimanta cunanca, ña mana Abram shutichu cangui, ashtahuanpish Abraham shutimi cangui.

GÉNESIS 17:15

Diosca Abrahamtaca: —Cambac huarmi Saraitaca ama ashtahuan Sarai nishpa cayanguichu, ashtahuanpish paica Sara shutimi canga.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

GÉNESIS 33:4

Ashtahuanpish Esauca callpa rishpami, cungapi ucllarishpa muchashpa, ishcaitac huacarca.

SAN JUAN 1:42

Andresmi Simontaca Jesuspacman pusharca. Chashna pushacpi, Jesús Simonta ricushpaca: —Juanpac churi Simonmi cangui. Cunanmantaca Cefas shutimi cangui— nirca. (“Cefas” nishpaca, “Pedro” nisha ninmi).

GÉNESIS 25:31

Shina nicpimi Jacoboca: —Can taitamanta punta churi japinata cunanllatac cui— nirca.

2 REYES 17:34

Paicunaca cunan punzhacamanmi utcapi ruhuashca shinallatac ruhuashpa causancuna. Mandac Diostapish mana manchancunachu. Pactachichun pai cushcatapish, mandashcacunatapish mana cazuncunachu. Jacobopac huahua huahuacunaman Mandac Dios mandashpa cushcatapish, pactachichun cushca mandashcacunatapish mana pactachincunachu. Jacobotaca Israeltami shutichirca.

2 SAMUEL 12:25

Diosmanta huillac Natanta Davidpacman cachashpa, chai huahuataca Jedidiasta shutichirca. Mandac Diosta cazushcamantami chaita shutichirca.

1 SAMUEL 26:25

Shina nicpimi, Saulca Davidtaca: —¡Ñuca huahua Davidlla, canca alli nishcami cangui! Canca ima jatun ruhuaicunatapish allita ruhuashpami tucuita mishangui— nirca. Chai quipaca Davidca ñanta japishpa rircallami. Saulpish paipac huasiman cutircallami.

GÉNESIS 32:24

Chaipi Jacobo pailla saquirishpami, shuc runahuan pacaringacaman tucui tuta macanacurca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

NÚMEROS 13:16

Chaicunami Moisés llactata ricuchun cachashca runacunapac shuticunaca carca. Moisesca Nunpac churi Oseastaca Josuetami shutichirca.

1 REYES 18:31

Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 32:27

Shina nicpimi, chai runaca Jacobotaca: —¿Ima shutitac cangui?— nirca. Shina nicpimi Jacoboca: —Jacobo shutimi cani— nirca.

1 CRÓNICAS 1:34

Abrahamca Isaac churitami charirca. Isaacca Esaú, Israel churicunatami charirca.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.