GÉNESIS 32:12 - Dios Rimashcata Quillcashcami

¹² Canca ñucataca: “Imapipish allicunata cushpami pushasha. Cambac huahua huahuacunataca mama cucha tiyu shina, mana yupaipactami mirachisha” nircanguimi— nishpami mañarca.

GÉNESIS 32:12 Referans Kwoze

HEBREOS 6:17

Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

2 TIMOTEO 2:13

Ñucanchic pai ima nishcacunata mana pactachicpipish, paica pactachishpami catin. Pai ima shina cashcataca mana yanga ninchu” nishcami.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

1 SAMUEL 15:29

Israelcunapac sumaimana Diosca imata ruhuasha nishpaca mana llullashpami ruhuan. Paica mana gentecuna shinachu quipata llaquirin— nirca.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

GÉNESIS 32:6

Chai huillaccuna cutimushpaca: —Ñucanchicca cambac huauqui Esaumanca huillagrircanchicmi. Cunanca, paillatacmi chuscu patsac runacunahuan tupangapac shamucun— nirca.

HEBREOS 11:12

Chashnami Abrahamca ña huañunalla cashpapish, mama cuchapi tiyac tiyu shina, shinallatac jahua cielopi tiyac lucerocuna shina, mana yupaipac huahua huahuacunata charirca.

1 REYES 4:20

Judá llactapi, Israel llactapi, causaccunaca mama cucha yacu patapi tiyac tio shina achcami carca. Paicunaca tucuimi micushpa, ubiashpa, cushicushpa causarcacuna.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.