GÉNESIS 31:7 - Dios Rimashcata Quillcashcami

⁷ Ashtahuanpish paica ñucaman pagashpapish chunga cutincamanmi umashca. Shina cacpipish, pai ima millaita ruhuachunca, Diosca mana saquishcachu.

GÉNESIS 31:7 Referans Kwoze

GÉNESIS 31:41

Chashnami ishcai chunga huatata cambac huasipi carcani. Cambac ishcai ushimantaca chunga chuscu huatatami servircani. Animalcunamantaca sucta huatatami servircani. Chunga cutinmi umashpa mana pagarcangui.

GÉNESIS 31:29

Ñucaca cancunata llaquichisha nishpapish llaquichimanllami, ashtahuanpish cambac taita Isaacpac Dios muscuipi tuta ricurishpa: “Jacobotaca maipish cachun rimarinamantaca cuidaringui” nirca.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

NEHEMÍAS 4:12

Ashtahuanpish paicunapac ladopi causac Judá llactamanta caccunaca: «Chai llaquichiccunaca tucui ladomantami cancunata llaquichingapac shamunga» nishpami cutin cutin huillarcacuna.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 4:1

Chai punzhacunapi shuclla carita canchis huarmicuna quichunacushpaca: «Ñucanchicllatacmi micunatapish, churanatapish mashcashun. Ama pingaichishca cangapac ñucanchic-huan cazarashpa, cambac shutita cui» ningacunami.

JOB 19:3

Ñucataca chunga cutinmi rimaringuichic. Ñucata mana alli nishpa rimarinataca, ¿manachu pinganayan?

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

GÉNESIS 20:6

Shina nicpimi, Mandac Diosca muscuipi ricurishpaca: «Ari, can alli shunguhuan chashna ruhuashcataca yachanimi. Chai huarmipi chayarishpa, ñuca mandashcata paquishpa, juchallichunpish cantaca mana saquircanichu.

JOB 19:8

Diosca ñuca ama pasachunmi ñuca purina ñantapish jarcashca. Ñuca purina ñancunatapish manchana amsatami ruhuashca.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 29:25

Tutamanta Jacobo jatarishpa ricucpica, Leami cashca carca. Chaimantami Jacoboca Labantaca: —¿Imatatac ruhuarcangui? ¿Manachu Raquelmanta trabajarcani? ¿Imamantatac ñucataca umarcangui?— nirca.

GÉNESIS 30:28

Can servishcamanta mashnata pagachun nishcata pagashallami— nirca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.