GÉNESIS 31:48 - Dios Rimashcata Quillcashcami

⁴⁸ Shinallatac Labanca: —Cai rumi montonmi ñucanchic ishcai alli tucushcataca huillacun— nirca. Chaimantami chaitaca “Galaadta” shutichirca.

GÉNESIS 31:48 Referans Kwoze

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.

DEUTERONOMIO 3:16

Rubenpac ailluman, Galaad aillumanca Galaadmanta Arnón, Jaboc yacucunacamanmi curcani. Chai yacumi amonitacunapac linderoca.

DEUTERONOMIO 2:36

Arnón jatun yacu patapi tiyac Aroermanta callarishpa, pambacunapi tiyac pueblocunata, Galaadpi tiyac llactacunacamanmi Mandac Diosca ñucanchic maquipi churarca.

GÉNESIS 31:23

Chaimantami paipac familiacunahuan Jacobota japingapac catishpa llucshirca. Canchis punzhapimi Galaad urcupi japirca.

GÉNESIS 21:30

Shina nicpimi Abrahamca: —Cai canchis malta ovejataca yacu jundutaca ñuca allashcata ricuchichunmi, ñuca maquimanta japingui— nirca.

JOSUÉ 22:27

ashtahuanpish ñucanchicpish, Mandac Diospac ñaupapi servic cashcata, animalta cushpa tucui rupachic cashcata, ofrendata cuc cashcata, Dios-huan alli tucungapac ofrendata cuc cashcata ñucanchicpac, cancunapac quipa huiñai churicunaman shuc ricuchina cachunmi ruhuanchic. Shina ruhuacpimi, quipa punzhacunaca cancunapac churicunaca ñucanchic churicunataca: ‘Cancunaca Mandac Diosmantaca ima japinatapish mana charinguichicchu’ nishpaca mana rimanga” nircanchic.

JOSUÉ 22:28

Ñucanchicca: “Ñucanchicta cashpa, mana cashpaca ñucanchic churicunata cashpa shamui punzhacunapi chashna cacpica: ‘Riquichic, ñucanchic taitacunaca Mandac Diospac altarta shinallatacmi ruhuashca. Cai altarca mana Diosman animalta cushpa tucui rupachingapacchu, mana animalta cungapacchu, ashtahuanpish ñucanchicpish, cancuna shinallatac cashcata ricuchingapacmi cai altarta ruhuarcanchic’ nirca.

JOSUÉ 22:34

Rubenpac, Gadpac churicunaca cai altartaca: «Caimi ñucanchicpurapica Mandac Dios cashcata ricuchicca» nishpami Ed nishpa shutichirca.

JUECES 10:3

Mandac Tola huañushca quipaca Galaad aillumanta mandac Jairmi israelcunata quishpichingapac jatarirca. Paica ishcai chunga ishcai huatatami israelcunata mandarca.