GÉNESIS 31:37 - Dios Rimashcata Quillcashcami

³⁷ Tucui ñuca imalla charishcacunapi mashcashpapish, ¿imatatac cambac cashcataca tarircangui? ¡Imata tarishpaca, cai cambac familiacunapac, ñuca familiacunapac ñaupapi churai! Paicunami ñucanchic imata ruhuacushcataca ricunga.

GÉNESIS 31:37 Referans Kwoze

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

HEBREOS 13:18

Ñucanchicmanta Diosta mañaichic. Imapish alli cachunmi allita pushana yuyailla, pipacpish mana juchanchishca cashcata yachanchic.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

SAN MATEO 18:16

Can rimashcata mana uyacpica, shucta, mana cashpaca ishcaita pushashpa ringui. Ishcai, mana cashpaca quimsa rishpa uyashpami, cierto cashcata huillanga.

JOSUÉ 7:23

Paicunaca carpa huasi ucupi tarishpami Josuepacman, shinallatac israelcunapacman apashpa, Mandac Diospac ñaupapi churarcacuna.

GÉNESIS 31:32

Maijan caipi caccunapi cambac dioscuna tariricpica, chai charicucca, ¡huañungami! Ñucanchic cambacta apamushcata ricsishpaca, familiacuna ricucucpi apailla— nirca. Jacoboca Raquel paipac taitapac dioscunata shuhuashcataca mana yacharcachu.

GÉNESIS 31:36

Chashna mana taricpimi, Jacoboca yallita piñarishpa Labantaca: —¿Ima mana allitatac ruhuashcani? Can yallita piñarishpa, ñucata cati shamuchunca, ¿ima mana allitatac ruhuashcani?

GÉNESIS 31:38

Ishcai chunga huatatami canhuan cashcani. Ovejacunapish, chivocunapish mana shullurcachu. Cambac manada ovejacunamantapish jaicapi shuc cari ovejallatapish mana micushcanichu.