GÉNESIS 31:21 - Dios Rimashcata Quillcashcami

²¹ Chashnami tucui pai charishcacunata apashpa, Eufrates yacuta pasashpa, Galaad urcuman rirca.

GÉNESIS 31:21 Referans Kwoze

2 REYES 12:17

Chai punzhallatacmi Siria llactata jatun mandac Hazaelca Gat pueblopi causaccunahuan macanacushpa, chai pueblota quichurca. Chai quipaca Jerusalenpi causaccunahuan macanacungapac huichai rinatami yuyarirca.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

JUECES 10:18

Galaad llactapi causac pushac israelcuna paicuna tapunacushpaca: —Maijanpish amonitacunahuan macanacuita callarichicmi tucui Galaad llactapi causaccunata mandanga— nircacuna.

DEUTERONOMIO 3:12

Chai huatacunapi ñucanchic japishca llactacunataca Amón yacu patapi tiyac Aroermantaca Galaad urcu chaupicamanmi Galaadpac aillucunaman, Rubenpac aillucunaman curcani.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 24:1

Mandac Diospac ñaupapi israelcunata bendiciashcaca allimi nishpami Balaamca, mana utcapi shina, brujocunapac catishpa, ashtahuanpish shitashca pambata tigrarishpa ricurca.

GÉNESIS 46:28

Jacoboca Gosén llactapi José tupac shamuchunmi Judata ñaupachishpa cacharca. Paicunaca Gosén llactamanmi chayarca.

GÉNESIS 37:25

Chai quipami paicunaca micungapac tiyarirca. Chashna micucushpami, huichailla ricushpaca, achca ismaelitacuna Galaad llactamanta sumac mishquilla ashnacucta, mirrata shinallatac balsamota camellocunapi apachishpa, Egiptoman ricucta ricurca.

GÉNESIS 31:23

Chaimantami paipac familiacunahuan Jacobota japingapac catishpa llucshirca. Canchis punzhapimi Galaad urcupi japirca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 2:14

Quimsaniqui yacuca Hidekelmi. Chai yacuca Asiria llactamanta inti llucshic ladotami ricun. Chuscuniqui yacuca Eufratesmi.

GÉNESIS 31:20

Jacoboca arameopuramanta Labantaca chaimanta llucshigricushcata mana huillashpami umarca.

GÉNESIS 31:22

Quimsa punzha quipami, Labanca Jacobo rishcataca yachac chayarca.

2 SAMUEL 24:6

Quipataca Galaad llactaman, Hodsi llactamanmi rirca. Chaimantaca Danjaán puebloman, Sidón muyundi llactacunamanmi rirca.