GÉNESIS 30:22 - Dios Rimashcata Quillcashcami

²² Shina cacpipish, Mandac Diosca Raqueltapish yuyarishpami, pai mañashcata uyarca. Chaimantami huahuacunata charichun saquirca.

GÉNESIS 30:22 Referans Kwoze

GÉNESIS 29:31

Mandac Diosca Jacobo Leata mana munacucta ricushpami, Leataca huahuata charicta ruhuarca. Cutin Raqueltaca huahuata mana charic pudictami ruhuarca.

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

SALMOS 113:9

Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!

GÉNESIS 30:2

Chashna nicpi, Jacobo piñarishpaca: —Diosmi cantaca mana huahuata chari pudicta ruhuashca. Ñucaca huahuata cungapacca, ¿pitac caniyari?— nirca.

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

SALMOS 105:42

Chaica paita servic Abrahamman paipac jucha illac shimihuan ari nishcata yuyarishpami pactachirca.

GÉNESIS 25:21

Isaacca paipac huarmi mana huahuata chari pudishcamantami Mandac Diosta mañarca. Chashna mañacpica, Mandac Diosca uyarcami. Chaimantami paipac huarmica huicsayuc tucurca.

GÉNESIS 30:21

Leaca chai tucui cari huahuacunapac quipaca shuc huarmi huahuatami charirca. Chai huahuataca Dinatami shutichirca.

GÉNESIS 35:24

Raquelpac huahuacunaca: José, Benjaminmi carca.