GÉNESIS 3:4 - Dios Rimashcata Quillcashcami

⁴ Culebraca huarmitaca: —Mana huañunguichicchu,

GÉNESIS 3:4 Referans Kwoze

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

1 TIMOTEO 2:14

Shinallatac mana Adanchu pandachishcaca carca, ashtahuanpish Evami diablo pandachicpi, Dios mandashcata mana cazushpa juchapi urmarca.

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

GÉNESIS 3:13

Shina nicpimi, Mandac Diosca huarmitaca: —¿Imatatac ruhuarcangui?— nirca. Chaimantami huarmica: —Culebramari umarca, chaimantami micurcani— nirca.

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

2 REYES 8:10

Shina nicpimi Eliseoca: —Ari, chai ungüimantaca alliyanguimi ninmi nigri. Shina cacpipish, Mandac Diosca pai huañuna cashcatami ricuchin— nirca.

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

2 REYES 1:6

Shina nicpimi paicunaca: —Shuc runami ñucanchic-huan tupashpaca: “Cancunata cachac jatun mandacpacman cutishpa, Mandac Diosca: ‘Ecrón pueblopi tiyac Baal-zebub diosman tapuchun cachachunca Israel llactapica, ¿manachu Dios tiyan? Chaimantami can siricuc camamantaca mana uricunguichu. Ashtahuanpish huañunguitacmi’ ninmi” nigrichic— nirca.

2 REYES 1:4

Chaimantami Mandac Diosca: “Can siricuc camamantaca mana uricunguichu, ashtahuanpish huañunguitacmi” ninmi nigri» nirca. Chaimantami Eliasca tupangapac rirca.

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

GÉNESIS 3:3

ashtahuanca chai huerta chaupipi tiyac yurallamantami Diosca: “Ama micunguichicchu, shinallatac ama tuparinguichicchu. Chai yuramanta micushpaca huañunguichicmi” nircami— nirca.

2 CRÓNICAS 18:21

Shina nicpimi, chai espirituca: “Ñuca rishpaca paipac tucui huillaccunapimi, llullashpa huillana yuyaita churasha” nirca. Shina nicpimi, Mandac Diosca: “Canca umai pudinguimi. Can nishca shinata ruhuangapac rilla” nirca.