GÉNESIS 29:32 - Dios Rimashcata Quillcashcami

³² Leaca huicsayuc tucushpami, shuc cari huahuata charirca. Chaimantami Leaca: «Mandac Diosca ñuca llaquilla cactami ricushca, chaimantami ñuca cusaca cuyanga» nishpami Rubenta shutichirca.

GÉNESIS 29:32 Referans Kwoze

DEUTERONOMIO 26:7

Chaipimi ñaupa taitacunata Mandac Diosta mañarcanchic. Paica ñucanchic mañashcata uyashpami sinchita trabajacushcata shinallatac ñucanchic llaquita causacushcata ricurca.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

SAN LUCAS 1:25

«Ñuca mana huahuayuc cashcamanta pipacpish ama pingaichishca cachunmi, Diosca ñucata chashna ruhuashca» nishpami yuyacurca.

SALMOS 106:44

Shina cacpipish, Diosca paicuna yallita llaquipi causacushcata ricurcami. Paicuna caparishpa mañashcatapish uyarcami.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

GÉNESIS 42:27

Ashtahuanpish samanaman chayashpaca, paicunapuramanta shucca paipac tuluta pascashpami, granota llucchishpa burroman caragrirca. Shina caragricushpami, tulu shimillapi cullquita tarirca.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 31:42

Abrahampacpish, ñuca taita Isaacpacpish manchana Dios mana ñucahuan cacpica, chushac maquitami cachanguiman carcangui. Shina cacpipish, Diosmi ñuca llaquilla cashcata, ñuca servishcata ricushpa, tuta ricurishpa, cantaca rimarca— nirca.

1 CRÓNICAS 5:1

Rubenca Israelpac punta churimi carca. Shina cashpapish, paipac taitapac camallapitac mana allita ruhuashcamantami punta churi japinataca paiman mana cushpa, Josepac churicunaman curca. Chaimantami paica mana punta churi nishca carca.

GÉNESIS 16:11

Cunanca, huicsayucmi cangui, shuc cari huahuatami charingui. Chai huahuataca Dios cambac llaquita uyashcamantami Ismaelta shutichingui.

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 35:22

Chaipi causacucpimi, Rubenca taita Israelpac caishuc Bilha huarmihuan sueñushca carca. Chaitami taita Israelca yachac chayarca. Jacobopac churicunaca chunga ishcaimi carca.

GÉNESIS 29:31

Mandac Diosca Jacobo Leata mana munacucta ricushpami, Leataca huahuata charicta ruhuarca. Cutin Raqueltaca huahuata mana charic pudictami ruhuarca.

NÚMEROS 1:5

Chai ayudaccunaca: Rubenpac aillumantaca Sedeurpac churi Elisur,

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

DEUTERONOMIO 27:13

Cutin Rubenpac, Gadpac, Aserpac, Zabulonpac, Danpac, Neftalipac aillucunaca maldiciangapacmi Ebal urcupi shayaringa.

EZEQUIEL 48:6

Efraín aillupac allpa lindero ladopica, Rubén aillupac allpami inti llucshina ladomantaca inti tigrana ladocaman canga.