GÉNESIS 29:27 - Dios Rimashcata Quillcashcami

²⁷ Shinaca Leapac semana bodatarac pactachi, quipataca Raqueltapish cushallami. Paimantapish cutinmi canchis huatata trabajana cangui— nirca.

GÉNESIS 29:27 Referans Kwoze

JUECES 14:12

Shina apamucpimi Sansonca: —Cunanca cai imashi imashitami huillagrini. Cancuna cai canchis punzha fiesta tucuringacaman cai imashi imata nisha nicushcata tarishpa huillacpica, ñucami quimsa chunga lino churanatapish, quimsa chunga bodapi churanatapish cusha.

LEVÍTICO 18:18

Huarmi manarac huañucpi, paipac ñañahuanca ama chayaringuichu. Shina chayarishpaca piñanacunguichicmi.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

JUECES 14:10

Sansonpac taitaca chai solterata ricugrircami. Chai quipaca Sansonca mosocuna ruhuac shinallatacmi paipish jatun micuita ruhuarca.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

GÉNESIS 29:26

Shina nicpimi Labanca: —Cai llactapica punta ushi manarac cazaracpica, quipa ushica mana cazaranachu can.

GÉNESIS 29:28

Shina nicpica, Jacoboca ari nishpami, semana bodata pactachirca. Chai quipaca Labanca Raqueltami Jacobomanca paipac huarmi cachun curca.

GÉNESIS 31:41

Chashnami ishcai chunga huatata cambac huasipi carcani. Cambac ishcai ushimantaca chunga chuscu huatatami servircani. Animalcunamantaca sucta huatatami servircani. Chunga cutinmi umashpa mana pagarcangui.

GÉNESIS 29:20

Shinami Jacoboca Raquelmantaca canchis huatata trabajangapac saquirirca. Shina cacpipish, Raquelta yallita cuyashcamantaca ashalla huatacuna shinami Jacobomanca ricurirca.