GÉNESIS 29:17 - Dios Rimashcata Quillcashcami

¹⁷ Leaca llaquilla ñahui solterami carca. Cutin Raquelca sumac solterami carca.

GÉNESIS 29:17 Referans Kwoze

GÉNESIS 12:11

Abram Egiptoman chayagricushpami, paipac huarmi Saraitaca: «Riqui, canca sumac huarmimi cangui.

SAN MATEO 2:18

Paica: «Ramá pueblopica ¡alau! nishpa caparishcami uyarirca. Chaica Raquelmi, paipac huahuacunamanta huacacurca. Huahuacuna huañushcamantami Paitaca pipish mana cushichi pudircachu» ninmi.

JEREMÍAS 31:15

Mandac Diosca: «Ramá llactapi llaquihuan caparishpa huacashcami uyarirca. Chaipica Raquelmi paipac huahuacuna huañushcamanta yallita huacacurca. Pipish mana cushichi pudircachu» ninmi.

PROVERBIOS 31:30

Ñahuilla sumac cashpaca inquitanllami. Ricuilla sumac cashcapish yangallami can. Ashtahuanpish Mandac Diosta manchac huarmimi alli nishca canga.

1 SAMUEL 10:2

Cunan ñucapacmanta can rishpaca, Benjamín llacta Selsa pueblopimi Raquelta enterrashca ladopi ishcai runacunahuan tupangui. Paicunaca: “Can mashcacushca burrocunaca ñami taririshca. Cambac taitaca chingarishca burrocunamantaca mana llaquiricunchu. Ashtahuanpish cancunamanta llaquirishpami: ‘Ñuca churica mana uyarinchu. ¿Imatatac ruhuashayari?’ nicun” ninga.

GÉNESIS 48:7

Cambac mama Raquelca ñuca Padan-aram llactamanta shamucucpimi, Efrataman chayana Canaanpi huañurca. Paitaca Efrataman rina ñanllapitacmi enterrarcani. Chai pushtuca Belenmi— nirca.

GÉNESIS 39:6

Potifarca tucui charishcacunata Josepac maquipi churashpami, José ricucucpica, ima tiyashcacunataca mana yuyashpa, micunallata yuyarishpa causacurca. Joseca carilla, sumac ñahui mosomi carca.

GÉNESIS 35:24

Raquelpac huahuacunaca: José, Benjaminmi carca.

GÉNESIS 30:22

Shina cacpipish, Mandac Diosca Raqueltapish yuyarishpami, pai mañashcata uyarca. Chaimantami huahuacunata charichun saquirca.

GÉNESIS 29:18

Jacoboca Raquelta yallita munashcamantami: —Cambac quipa ushi Raquelmantami canchis huatata trabajagrini— nirca.

GÉNESIS 24:16

Paica carihuan manarac chayarishca, alaja solterami carca. Paica yacu junduman chayashpami, puñupi yacuta jundachishpa cuticurca.

GÉNESIS 12:14

Abram Egiptoman chayacucpica, Egipto runacuna Sarai huarmita ricushpaca, mai sumac cashcatami ricurca.

GÉNESIS 26:7

Isaac chaipi causacucpimi, chaipi causac runacuna paipac huarmimanta tapurca. Chashna tapucpimi: «Ñuca panimi» nirca. Chai llactapi causac runacuna paipac huarmi Rebecamanta huañuchingami yuyashpami «Ñuca huarmimi» ninataca mancharca. Rebecaca sumac ñahui huarmimi carca.

GÉNESIS 29:16

Labanca ishcai ushitami charirca. Punta ushica Lea, cutin quipa ushica Raquelmi carca.

GÉNESIS 29:30

Jacoboca Raquelpipish chayarircami. Shina chayarishpaca, Leata atishpami Raquelta ashtahuan cuyarca. Shinami cutin canchis huatata Labanman trabajarca.