GÉNESIS 27:42 - Dios Rimashcata Quillcashcami

⁴² Esaú chashna nishcataca Rebecaman parlarcami. Chaimantami Rebecaca quipa huahua Jacobota cayachun cachashpaca: —Can quichushcamanta cambac punta huauquica huañuchinatami yuyaricun.

GÉNESIS 27:42 Referans Kwoze

PROVERBIOS 2:14

Paicunaca mana allita ruhuashpami cushicuncuna. Jatun mana allicunata ruhuashpami, yallita asincuna.

SALMOS 64:5

Mana allita ruhuangapacmi paicunapura cushichinacuncuna. Chashna cushichinacushpa, pacalla tucllata churashpaca: «¿Pitac caitaca ricungayari?» nincuna.

1 SAMUEL 30:5

Shinallatac Jezreel pueblomanta Ahinoamtapish, Carmel pueblomanta Nabalpac huarmi cashca Abigailtapish, apashcami carca. Cai ishcai huarmicunaca Davidpac huarmicunami carca.

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 27:43

Cunanca ñuca huahualla, ñuca nishcata uyai. Haranpi causac ñuca turi Labanpacman cunanllatac miticushpa ri.

GÉNESIS 32:3

Chai quipami Jacoboca huillaccunata Edom llactapi cac Seir pambapi causac paipac huauqui Esaupacman cacharca.

GÉNESIS 32:11

Cunanca, ñuca huauqui Esaú shamushpa, ñuca huarmicunatapish, ñuca huahuacunatapish huañuchinatami manchani. Ñuca huauqui Esaú shamushpa, huañuchinamanta quishpichinguiyari.