GÉNESIS 27:30 - Dios Rimashcata Quillcashcami

³⁰ Isaac bendiciashca quipa, Jacobo Isaacpac ñaupamanta llucshishpa ricucpimi, paipac huauqui Esauca animalta japishpa chayarca.

GÉNESIS 27:30 Referans Kwoze

HEBREOS 12:17

Quipata, paipac taitaman bendicionta yallita huacashpa, mañashpapish mana chasquircachu. Chashna llaquirishpapish imata mana chasquircachu. Chaitaca cancunallatac yachanguichicmi.

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 27:31

Chashna chayashpa, paipish sumacta yanushpa, paipac taitapacman apashpaca: —Ñuca taitalla, cambac churi japimushca animal aichata micungapac jatari. Chai quipaca ñucata bendiciangui— nirca.

GÉNESIS 10:9

Nimrodca Dios ayudacpi, sacha animalcunata japinata alli yachacmi carca. Chaimantami paitaca: «Nimrod shina sacha animalcunata japinata alli yachacmari» nincuna.