GÉNESIS 27:13 - Dios Rimashcata Quillcashcami

¹³ Shina nicpimi, paipac mama Rebecaca: —Ñuca huahualla, canta maldicianapac randica, ñucata maldiciachun. Canca ñuca nishcata uyashpa, chai chivocunata apamugri— nirca.

GÉNESIS 27:13 Referans Kwoze

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

2 SAMUEL 14:9

Shina nicpipish, Tecoa pueblomanta huarmica: —¡Jatun mandac ñuca amolla, ima juchanchina cacpipish, ñucata, ñuca huasi ucupuracunata juchanchichun! ¡Ashtahuanpish can jatun mandacpish, can mandanapish ama juchanchishca cachun!— nirca.

1 SAMUEL 25:24

Paica Davidpac chaqui ñaupapi cungurishpaca: —¡Ñuca mandaclla, ima juchata ruhuashcapish ñucapac jahuapi cachun! Ashtahuanpish canta servic ñucami, canhuan caita parlasha nini. Ñuca ima nishcata uyai.

GÉNESIS 43:9

Ñucami paitaca cutichimusha. Mana cutichimucpica, ñucata juchanchingui. Mana cutichimushpa, cambac ñaupapi mana churashpaca, ñucami huiñaita cambac juchanchishca casha.

GÉNESIS 27:8

Riqui huahua, cunanca ñuca imata nishcata uyai.

GÉNESIS 25:33

Shina nicpimi Jacoboca: —¡Cunan punzhallatac punta churi japinata cungapac ari ni!— nirca. Chashna nicpimi, punta churi japinata Jacoboman caturca.

GÉNESIS 25:23

Shina mañacpimi, Mandac Diosca: «Cambac huicsa ucupica, ishcai llactacunami tiyacun. Ishcai llactacunami huicsamanta pacha, chican tucunga. Shuc llactami shuc llactata atishpa, ashtahuan sinchi canga. Punta churimi quipa churita servishpa causanga» nirca.

GÉNESIS 27:14

Chaimantami Jacobo rishpaca, paipac mama Rebecaman chivocunata apamushpa curca. Paipac mamaca Isaac munashca shinami, sumacta yanushpa curca.

GÉNESIS 27:43

Cunanca ñuca huahualla, ñuca nishcata uyai. Haranpi causac ñuca turi Labanpacman cunanllatac miticushpa ri.

2 CRÓNICAS 22:3

Ocoziasca mana allita ruhuana yuyaita paipac mama yachachishcamantami Acabpac huahua huahuacuna shinallatac Diosta mana manchashpa, mana allita ruhuashpa causarca.