GÉNESIS 26:3 - Dios Rimashcata Quillcashcami

³ Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

GÉNESIS 26:3 Referans Kwoze

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

SALMOS 105:9

Chaitaca Abrahamhuanpish, Isaac-huanpish ari nircami.

GÉNESIS 20:1

Abrahamca pai causacushca llactamanta rishpaca, Neguev llactamanmi chayarca. Chaipimi Cades-huan, Shur shitashca pambahuan tupanacuipi tiyac Gerarpi asha punzhacunata causarca.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 13:17

Jatarishpa, llactacunata sunimanpish, anchomanpish purishpa ricugri, canmanmi chai allpataca cugrini» nirca.

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

FILIPENSES 4:9

Ñucamanta imata yachacushcatapish, imata chasquishcatapish, imata ricushcatapish, imata uyashcatapish, chaicunata ruhuashpa catichic. Sumac causaita cuc Diosca cancunahuanmi canga.

ISAÍAS 43:5

Ñucaca canhuanmi cani. Chaimanta ama manchaichu. Cambac huahuacunataca inti llucshina ladomantapish, inti tigrana ladomantapish tandachishpa pushamushami» ninmi.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

GÉNESIS 26:14

Paica achca ovejacunata, achca huagracunata, achca tarpuna allpacunatami charirca. Chaimantami filisteocunaca pai charic cashcamanta piñarca.

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

HEBREOS 6:17

Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

GÉNESIS 25:11

Abraham huañushca quipaca, Diosca Abrahampac churi Isaacman bendiciarcami. Isaacca «Ñucata ricushpa causac yacu» cuchupimi causacurca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 28:13

Shinallatac Mandac Dios chai escalera jahuamantaca: «Ñucami cambac taita Abrahampac, shinallatac Isaacpac Mandac Dios cani. Can sueñushpa siricuc allpataca canman, shinallatac cambac huahua huahuacunamanmi cusha.

GÉNESIS 31:3

Mandac Dios Jacobota rimashpaca: —Cambac taitacunapac causana llactaman rishpa, cambac familiacunahuan causagri. Ñucaca canhuanmi casha— nirca.

GÉNESIS 35:12

Abrahamman, Isaacman cushca allpatami canmanpish, cambac huahuacunamanpish cusha» nirca.

GÉNESIS 48:21

Quipaca taita Israelca Josetaca: —Ñucaca ña huañunallami cani. Shina cacpipish, Diosca cancunahuanmi. Paimi cancunataca, cancunapac ñaupa taitapac llactaman cutin pushanga.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

ÉXODO 6:4

Canaán llactata cusha nishpami, paicunahuan ari ninacurcani. Chai llactapimi paicunaca pozashpalla causarca.

ÉXODO 6:8

Abrahammanpish, Isaacmanpish, Jacobomanpish cungapac, ñuca maquita alzashpa ari nishca llactamanmi cancunataca pushasha. Ñucaca Mandac Diosmi cani” ningui— nirca.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 34:4

Chai tucuita ricuchishpami Mandac Diosca: «Cai llactacunatami Abrahamman, Isaacman, Jacoboman cungapac ari nishpaca: “Cambac huahua huahuacunamanmi cusha” nircani. Ñucaca cai llactacunata ricuchun saquinimi. Shina cacpipish, mana chaiman pasanguichu» nirca.

1 CRÓNICAS 16:16

Abrahamhuan, Isaac-huan ari nishcataca, mana cungarinchu.

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

ÉXODO 2:24

Diosca paicuna llaquilla cashpa, mañashcata uyashpami Abrahamhuan, Isaac-huan, Jacobohuan ari nishcata yuyarirca.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SALMOS 105:8

Pai ari nishcataca huiñaitami yuyaricurca. Huaranga huaranga huahuacunahuanpish mana cungarishpa huiñaita pactachingallami.