GÉNESIS 25:6 - Dios Rimashcata Quillcashcami

⁶ Ashtahuanpish caishuc huarmicunapi charishca churicunamanca asha convidanacunallatami curca. Shina cushpami, paipac churi Isaacpac ñaupamanta caruman cacharca. Paicunaca inti llucshina lado caru llactapimi causarca.

GÉNESIS 25:6 Referans Kwoze

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

JUECES 6:3

Israelcuna imata tarpucpipish, madianitacuna, amalecitacuna inti llucshic ladomanta shamushpami llaquichic carca.

HECHOS 14:17

Chashna cacpipish, Diosca tamyahuan granota pucuchishpa, mana nicta carashpami cushichicun. Chashna allita ruhuashpami, pai pi cashcata ricuchin— nirca.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

JOB 1:3

Paipac haciendapica canchis huaranga ovejacunata, quimsa huaranga camellocunata, pichca patsac yunta huagracunata, pichca patsac burrocunata shinallatac achca serviccunatami charirca. Inti llucshina ladopi causaccunapurapica paimi tucuita yalli chayuc carca.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

JUECES 19:4

Chai huarmipac taita paita ricsishpaca cushicushpami chasquingapac llucshirca. Chai huarmipac taita chai levitapac suegro saquirichun nicpimi, chaipi quimsa punzhata ubiashpa, micushpa carca.

GÉNESIS 35:22

Chaipi causacucpimi, Rubenca taita Israelpac caishuc Bilha huarmihuan sueñushca carca. Chaitami taita Israelca yachac chayarca. Jacobopac churicunaca chunga ishcaimi carca.

GÉNESIS 32:22

Chai tutallatacmi Jacoboca jatarishpa, paipac ishcai huarmita, ishcai servic huarmita, shinallatac chunga shuc churita apashpa, chai Jaboc yacuta pasarca.

GÉNESIS 25:1

Abrahamca cutinmi shuctac huarmita charirca. Chai huarmica Ceturami carca.

GÉNESIS 16:3

Chunga huatata Canaanpi causacushpami, Saraica Egiptomanta paita servic Agarta paipac cusa Abramman paipac huarmi cachun curca.

GÉNESIS 30:9

Lea ña mana huahuata chari pudishpami, paita servic Zilpa huarmita Jacoboman paipac huarmi cachun curca.

GÉNESIS 30:4

Chashnami Raquelca paita servic Bilhata paipi huahuata charichun Jacoboman curca. Jacobo Bilhapi chayaricpica,

2 CRÓNICAS 11:21

Roboamca chunga pusac huarmicunatami charirca. Caishuc huarmicunataca sucta chunga huarmicunatami charirca. Tucui chai huarmicunamantaca Absalonpac ushi Maaca huarmitami ashtahuan cuyarca. Chai tucui huarmicunahuanca ishcai chunga pusac churicunata, sucta chunga ushicunatami charirca.

GÉNESIS 29:1

Jacobo rishpaca, inti llucshina ladopi causaccunapac llactamanmi chayarca.