GÉNESIS 24:63 - Dios Rimashcata Quillcashcami

⁶³ Isaacca yuyarishpa puriringapacmi chishi lado chai pambaman llucshishca carca. Chaipi cashpami huichailla ricushpaca, camellocuna shamucucta ricurca.

GÉNESIS 24:63 Referans Kwoze

SALMOS 119:15

Can mandashcacunatami allita yuyarishpa, can munashca shina causasha.

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

SALMOS 1:2

Chaipac randica Mandac Dios mandashcata pactachishpami cushicun. Pai mandashcapimi tutapish, punzhapish yuyaricunlla.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.

SALMOS 145:5

Achic nicuc sumaimana jatun Dios can sumaimana ruhuashcacunata huillacpica, chai sumaimanacunatami yuyaricushalla.

SALMOS 119:48

Can mandashcacunataca cuyarcanimi. Chaimantami ishcai maquihuan chasquishpa, chai mandashcacunata yuyarishpa causani.

SALMOS 119:27

Cambac sumaimana shimicunataca yuyarirasha ninimi. Can mandashcacunata entendichiyari.

GÉNESIS 18:2

Abraham huichailla ricushpaca, paipac ñaupapi quimsa runacuna shayacuctami ricurca. Abraham chaita ricushpa, chai carpa huasi pungumanta callpa rishpa, paicunahuan tupashpa, pambacaman cumurishpaca:

GÉNESIS 24:64

Rebecapish huichailla Isaacta ricushpami, camellomanta uricurca.