GÉNESIS 24:17 - Dios Rimashcata Quillcashcami

¹⁷ Chaipimi servicca callpashpa rishpaca: —Cambac puñumanta asha yacuta ubiangapac convidai— nishpa mañarca.

GÉNESIS 24:17 Referans Kwoze

SAN JUAN 4:7

Chaimanmi Samaria llactamanta huarmi yacuta apangapac chayarca. Chaipimi Jesusca: —Ashalla yacuta carai— nirca.

ISAÍAS 21:14

Tema llactapi causaccunalla, yacunayaihuan huañucuccunata yacuhuan tupagrichic. Miticushpa puriccunata micunahuan tupagrichic.

1 REYES 17:10

Shina nicpimi, paica jatarishpa, Sarepta puebloman rirca. Chai pueblo punguman chayashpaca, shuc viuda huarmi yantata murucuctami ricurca. Elías chai viuda huarmita cayashpaca: —Ñuca ubiangapac asha yacuta vasopi convidai— nirca.

SAN JUAN 4:9

Samaria huarmica Jesustaca: —¿Ima shinatac canca israelcunapura cashca jahua ñucaman yacuta mañangui? Ñucaca Samaria huarmimi cani— nirca. (Israelcunaca Samaria llactapi causaccunahuanca mana apanacucchu carca).

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 30:25

Yallita huañui punzhapi torrecuna urmacpica, tucui urcu patamanta, jatun lomacunamantami jatun yacucunapish, ashalla yacucunapish llucshicunga.

GÉNESIS 24:45

Mañanata manarac tucuchicpimi, ñapish Rebecaca rigra jahuapi puñu apashca ricurircalla. Pai yacu junduman chayashpa, yacuta llucchishpa cutishpa rigricpimi ñuca: “Cambac puñumanta asha yacuta ubiangapac convidai” nircani.