GÉNESIS 24:15 - Dios Rimashcata Quillcashcami

¹⁵ Chai servic mañacucpiracmi, Betuelpac ushi Rebeca solteraca rigra jahuapi puñuta apashca ricurircalla. Betuelca Abrahampac huauqui Nacorpac shinallatac Milcapac huahuami carca.

GÉNESIS 24:15 Referans Kwoze

GÉNESIS 11:29

Abrampish, Nacorpish cazararcami. Abrampac huarmica Saraimi carca. Cutin Nacorpac huarmica Milcami carca. Haranca Milcapacpish, Iscapacpish taitami carca.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

GÉNESIS 24:45

Mañanata manarac tucuchicpimi, ñapish Rebecaca rigra jahuapi puñu apashca ricurircalla. Pai yacu junduman chayashpa, yacuta llucchishpa cutishpa rigricpimi ñuca: “Cambac puñumanta asha yacuta ubiangapac convidai” nircani.

ISAÍAS 58:9

Shinallatac cancuna ñucata mañacpica, uyashami. Cancuna caparicpica ñucaca: “¡Caipimi cani!” nishami. Cancuna shuccunamanta yugota anchuchic shina, llaquichinata saquicpi, dedohuan ricuchishpa, juchanchinata saquicpi,

SALMOS 65:2

Ñuca mañashcataca uyangui. Tucui runacunami cambacman shamungacuna.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

RUT 2:17

Tutayangacamanmi chai pambapica chalacurca. Pai chalashca cebadata cacucpica, ishcai chunga ishcai kilo cebadami llucshirca.

RUT 2:2

Shuc punzhami Rutca Noemitaca: —Cosechana pambaman rishpa chalagringapac ñucata saqui. Maijanpac ñahuipi alli ricurishpaca paipac huashata catishpa pallacushallami— nirca. Shina nicpimi Noemica: —Ñuca huahualla rilla— nirca.

GÉNESIS 29:9

Paicunahuan Jacobo chashna parlanacucucllapitacmi Raquelca paipac taitapac ovejacunahuan chayarca. Paica oveja michicmi carca.

GÉNESIS 24:24

Shina tapucpimi, chai solteraca: —Ñucaca Nacorpac shinallatac Milcapac churi Betuelpac ushimi cani.

GÉNESIS 11:27

Tarepac huahua huahuacunaca: Abram, Nacor, Haranmi carca. Haranca Lot churitami charirca.

PROVERBIOS 31:27

Huasipi imapish alli cachunmi ricuran. Paica mana yanga micushpalla causanchu.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 24:14

Ñuca maijan solterata: “Ñucaman yacuta ubiachingapac puñuta uricuchi” nicpi: “ubiailla, shinallatac cambac camellocunamanpish ubiachishami” nic soltera canta servic Isaacpac huarmi cachun. Chaita ricushpami, can ñuca amo mañashcata llaquishpa cuc cashcata yachac chayasha» nirca.

GÉNESIS 25:20

Isaacca chuscu chunga huatayuc cashpami, Padan-arammanta arameopuramanta Betuelpac ushi Rebecahuan cazararca. Rebecaca arameocunapuramanta Labanpac panimi carca.

1 SAMUEL 9:11

Chai puebloman chayana ñanta huichai ricushpami, yacuta apangapac urai shamucuc solteracunahuan tuparca. Paicunatami: —¿Dios ricuchishcata huillac runaca cai pueblopichu?— nishpa tapurca.

GÉNESIS 29:5

Shina nicpimi Jacoboca: —¿Manachu Nacorpac churi Labanta ricsinguichic?— nirca. Shina nicpimi paicunaca: —Ari ricsinchicmi— nirca.