GÉNESIS 23:2 - Dios Rimashcata Quillcashcami

² Saraca Canaanpi tiyac Quiriat-arba nishca Ebrón llactapimi huañurca. Chashna huañucpimi, Abrahamca yallita llaquirishpa huacangapac shamurca.

GÉNESIS 23:2 Referans Kwoze

GÉNESIS 23:19

Chai quipaca, Abrahamca Macpela pambapi tiyac jutcupimi Sarataca enterrarca. Chai allpaca Canaanpi tiyac Hebrón nishca Mamremanta chimba ladomanmi carca.

GÉNESIS 13:18

Shina nicpimi, Abramca carpa huasicunata apashpa, encina yuracuna tiyac Mamre pambapi causagrirca. Chaica Hebrón pueblo cuchullapimi carca. Chaipimi Mandac Diosman shuc altarta ruhuarca.

1 CRÓNICAS 6:57

Judá llactapica miticuna pueblocunatami Aaronpac huahua huahuacunaman curca. Chai pueblocunataca Hebrón, Libna, Jatir, Estemoa,

JUECES 1:10

Chaimanta rishpaca, Hebronpi causac cananeocunahuan macanacushpami, Sesai, Ahimán, Talmai mandaccunatapish huañuchirca. Utcapica Hebronca Quiriat-arba shutimi carca.

HECHOS 8:2

Dios yuyailla causac runacunami yallita huacashpa, Estebantaca enterrarca.

SAN JUAN 11:35

Jesuspish huacarcami.

SAN JUAN 11:31

Huasipi cushichishpa, compañashpa tiyacuc israelcuna María jatarishpa, utca ricta ricushpaca: —Enterrashcapimi huacangapac rin— nishpami, catishpa rircacuna.

JEREMÍAS 22:18

Chaimanta Mandac Dios Josiaspac churi Judá llactata jatun mandac Joacimmanta rimashpaca: «Pai huañucpica, pipish: “¡Aij, ñuca huauquilla, ñuca panilla!” nishpaca, mana huacangachu. Shinallatac: “¡Aij, ñuca amolla, aij, ñuca jatun mandaclla!” nishpapish, mana llaquiringachu.

JEREMÍAS 22:10

Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

2 SAMUEL 5:5

Canchis huata sucta quillatami Hebrón pueblopi mandarca. Chai quipaca quimsa chunga quimsa huatatami Israel llactatapish, Judá llactatapish Jerusalén pueblopi causashpa mandarca.

2 SAMUEL 5:3

Tucui israelcunata pushac yuyaccunami jatun mandac Davidpacman Hebrón puebloman rirca. Chaipimi Davidca Diospac ñaupapi shuc ari ninacuita paicunahuan ruhuarca. Chaillapitacmi Davidta aceitehuan cahuishpa israelcunata jatun mandacta ruhuarca.

2 SAMUEL 2:11

Davidca canchis huata sucta quillatami Judá gentecunataca Hebrón pueblopi mandarca.

2 SAMUEL 1:17

Davidca Saulpish, Saulpac churi Jonatanpish huañushcamantami huacashpa cai cantota allichirca.

2 SAMUEL 1:12

Saulmantapish, paipac churi Jonatanmantapish, Dios acllashca gentecunamantapish, Israel aillucunamantapish espadahuan huañuchishca cashcamantami tutayangacaman mana micushpa, yallita llaquirishpa huacarcacuna.

1 SAMUEL 28:3

Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.

1 SAMUEL 20:31

Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.

JOSUÉ 20:7

Shina nicpimi, paicunaca Neftalí aillupac urcupi, Galilea llactapi cac Cedes pueblota, Efrainpac aillucunapac urcupi cac Siquem pueblota shinallatac Judá aillupac urcupi cac Hebrón nishca Quiriat-arba pueblota acllarca.

JOSUÉ 10:39

Chai pueblota japishpami, chai pueblopi cac jatun mandactapish, chai pueblo cuchulla llactacunapi causaccunatapish espadahuan chugrichishpa huañuchirca. Chaipipish tucuita huañuchishpami shucllatapish mana causacta saquirca. Hebrón pueblopi, Libna pueblopi causaccunatapish, chai pueblota jatun mandactapish ruhuashca shinallatacmi Debir pueblopi causaccunatapish, chai pueblota jatun mandactapish tucui huañuchirca.

DEUTERONOMIO 34:8

Israelcunaca Moisés huañushcamantaca quimsa chunga punzhacamanmi Moab pambapica huacarca. Chashnami Moisesmanta llaquirina punzhacuna pactangacaman carca.

NÚMEROS 20:29

Tandanacushca israelcuna Aarón ña huañushcata yachashpaca, tucuimi quimsa chunga punzhata duelo carca.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 23:1

Saraca patsac ishcai chunga canchis huatatami causarca.

GÉNESIS 24:67

Chai quipami Isaacca Rebecata paipac mama Sara causana carpa huasiman pushashpa, paihuan cazararca. Isaacca Rebecata mai cuyashpaca, paipac mama huañushcamanta llaquilla cashpapish cushillami tucurca.

GÉNESIS 35:27

Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

GÉNESIS 37:14

Chashna nicpimi, taita Israelca: —Cunanca, cambac huauquicunatapish, ovejacunatapish ima shina cashcata ricushpa, ñucaman huillangapac cutimugri— nirca. Chashna nishpami, taita Israelca paipac churi Josetaca Hebrón pambamantaca Siquemman cacharca.

JOSUÉ 15:13

Jefonepac churi Calebmanca Mandac Dios Josueta mandashca shinallatacmi Judapac churicuna japishca llactapi allpata curca. Anacpac taitapac Quiriat-arba pueblotami curca. Chai puebloca cunanca Hebrón shutimi.

JOSUÉ 15:54

Humta, Hebrón nishca Quiriat-arba shinallatac Sior pueblocunami carca. Iscun pueblocunami, muyundi uchilla llactacunandi carca.

JOSUÉ 21:11

Judá aillupac urcupica Anacpac taitapac cashca Quiriat-arba nishca Hebrón pueblotami muyundi michina pambacunandi curca.

NEHEMÍAS 11:25

Uchilla pueblocuna, chai muyundi llactacunapica Judapac huahua huahuapuramanta maijancunami Quiriat-arba, Dibón, Jecabseel pueblocuna, shinallatac muyundi uchilla llactacunapi causacurca.

GÉNESIS 50:1

Taita Jacobo huañucpica, Joseca paipac taitata ucllarishpami, huacashpa mucharca.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.