GÉNESIS 21:4 - Dios Rimashcata Quillcashcami

⁴ Paipac churi Isaac pusac punzhata charicpica, Dios mandashca shinami circuncisionta ruhuarca.

GÉNESIS 21:4 Referans Kwoze

HECHOS 7:8

Diosca circuncisionta ruhuachunmi Abrahamhuan ari ninacurca. Chaimantami Abrahamca paipac churi Isaac pusac punzhata charicpi, circuncisionta ruhuarca. Isaacpish chashnallatacmi paipac churi Jacobotaca ruhuarca. Jacobopish paipac chunga ishcai churicunatapish chashnallatacmi ruhuarca. Chaicunaca ñucanchic ñaupa taitacunami carca.

SAN LUCAS 2:21

Huahua pusac punzha tucucpica, circuncisionta ruhuachishpami, María manarac huicsayuc cacpi, ángel huillashca shina, JESUSTA shutichirca.

SAN LUCAS 1:59

Ña pusac punzhapimi chai huahuata circuncisionta ruhuachingapac rircacuna. Chashnami taitapac shuti Zacariasta shutichishun nirca.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

DEUTERONOMIO 12:32

Ñuca mandashcallata ruhuanguichic, ama yapachinguichicchu, ama anchuchinguichicchu.

LEVÍTICO 12:3

Huahuataca pusac punzhapimi circuncisionta ruhuachina can.

ÉXODO 12:48

Maijanpish shuctac llactamanta shamushpa, cancunahuan causacushpa, Mandac Diospac Pascua micuita micusha nishpaca, tucui caricunami circuncisionta ruhuana can. Chai quipami israelcunapura tucushpa, Pascua micuita micunga. Maijanpish mana circuncisionta ruhuashca cashpaca, mana micunachu can.