GÉNESIS 21:14 - Dios Rimashcata Quillcashcami

¹⁴ Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 21:14 Referans Kwoze

SAN JUAN 8:35

Shuc servicca mana amopac huasipi huiñaita causanchu, ashtahuanpish churimi taitahuan causacungalla.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

PROVERBIOS 27:14

Tutamanta caparishpa allillachu cangui nishcaca llaqui tucuchun nishca shinallatacmi.

SALMOS 119:60

Can mandashcacunataca mana unaiyashpa, utcami pactachi callarircani.

SALMOS 107:4

Maijancunaca chushac chaquishca shitashca pambapimi chingarishpa, mai puebloman rina ñantapish mana tarishpa puricurcacuna.

1 REYES 19:3

Chashna huillacpimi, Eliasca mancharishpa ama huañuchichun nishpa, Judá llacta Beerseba puebloman rirca. Chai pueblopimi paita servictaca saquirca.

GÉNESIS 26:31

Cayandi tutamanta utca jatarishpami, Isaacpish, Abimelecpish ari ninacuita ruhuarca. Chai quipaca Isaacpish, paicunapish caya minchacaman ninacushpami, cushilla rircacuna.

GÉNESIS 25:6

Ashtahuanpish caishuc huarmicunapi charishca churicunamanca asha convidanacunallatami curca. Shina cushpami, paipac churi Isaacpac ñaupamanta caruman cacharca. Paicunaca inti llucshina lado caru llactapimi causarca.

GÉNESIS 21:31

Shina ishcaita chaipi ari nishcamantami chai allpataca Beersebata shutichirca.

GÉNESIS 16:7

Chashna rishpa, Shur shitashca pambaman rina ñan ladopi tiyac yacu jundu ladota ricucpimi, Mandac Dios cachashca ángel tupashpaca:

ISAÍAS 16:8

Hesbón, Sibma pambacunapi tiyac uvasca chaquishcami. Llactacunata mandaccuna shamushpami, sumac yuracunapac ramacunataca sarurca. Chai yura ramacunaca Jazerman, shitashca pambacamanmi carca. Shinami yallita mirashpa mama cuchatapish pasashca carca.

GÉNESIS 46:1

Shinami taita Israelca tucui imalla charishcacunata pushashpa, Beersebaman chayarca. Chaipimi paipac taita Isaacpac Diosman animalta cushpa rupachirca.

GÉNESIS 37:15

Chaiman chayashpa, José chingarishpa puricucpimi, shuc runa tupashpaca: —¿Imatatac mashcacungui?— nirca.

GÉNESIS 26:33

Chai jundutaca Isaacca Ari ninacuitami shutichirca. Chaimantami chai llactaca cunan punzhacaman «Beerseba» shuti can.

GÉNESIS 24:54

Chai servicca paihuan shamuc runacunandimi micushpa ubiashpa, chaipi pacarirca. Cayandi tutamanta jatarishpaca: —Cunanca, ñuca amopac huasiman cachaiyari— nirca.

GÉNESIS 22:19

Abrahamca paita serviccunapacman cutircami. Chai quipaca, tucui mashna jatarishpa, Beersebaman cutishpami, chaipi causangapac saquirirca.

GÉNESIS 22:3

Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

GÉNESIS 19:27

Cayandi tutamantaca Abrahamca Mandac Dios-huan parlanacushca pushtumanmi rirca.

GÉNESIS 21:13

Canta servic huarmipac cari huahuapac huahua huahuacunamantapish cambac huahua cashcamantaca jatun llactatami ruhuasha» nirca.

GÉNESIS 21:15

Puru yacuca tucuricpica, paipac huahuataca shuc yura cuchupimi tiyachishpa saquirca.

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

GÉNESIS 28:18

Jacoboca cayandi utca jatarishpami, saunashpa sueñushca rumita japishpa, shuc pilarta shina shayachirca. Chai quipaca aceiteta chai rumipi tallishpami, Diospacllata ruhuarca.

JOSUÉ 3:1

Josueca cayandi tutamantami Sitim pambamanta tucui israelcunahuan, Jordán yacu ladoman chayarca. Chaipimi yacuta manarac pasashpa samarircacuna.

1 SAMUEL 15:12

Chai quipami Samuelca manarac alli punzhayacpi, utca jatarishpa Saulhuan tupangapac rirca. Samuel chaiman chayacpica: —Saulca ñami Carmel puebloman rirca. Riquichic, paita yuyarina pircata shayachishpami Gilgal puebloman muyushpa urai rirca— nirca.

2 CRÓNICAS 29:20

Jatun mandac Ezequiasca utca jatarishpami, pueblopi causac gentecunata mandaccunata tandachishpa, Mandac Diospac huasiman huichai rirca.