GÉNESIS 21:10 - Dios Rimashcata Quillcashcami

¹⁰ Chaimantami Abrahamtaca: «Cai servic huarmitapish, cambac churitapish llucchishpa cachai. Cai servic huarmipac cari huahuaca ñuca huahua Isaacpac herenciata mana chaupinachu can» nirca.

GÉNESIS 21:10 Referans Kwoze

SAN JUAN 8:35

Shuc servicca mana amopac huasipi huiñaita causanchu, ashtahuanpish churimi taitahuan causacungalla.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.

GÁLATAS 4:7

Shina cacpica cancunapish ña mana huatashca shina serviccunachu canguichic, ashtahuanpish Diospac huahuacunami canguichic. Paipac huahuacuna cashcamantami, Dios munashcamanta pai cusha nishcata japiccuna canguichic.

GÁLATAS 3:18

Mandashcacunata pactachishpalla Dios cusha nishcata japina cacpica, mana Dios cusha nishcamantachu canman. Ashtahuanpish Diosca Abrahamman cushami nishcamantami, pai cusha nishcataca curca.

SAN MATEO 22:13

Chaimantami jatun mandacca serviccunataca: “Cai runataca chaqui maquita huatashpa, canzha puraman shitaichic. Chaipica huacaihuan quiru canirinami tiyan” nirca.

GÉNESIS 25:19

Abrahamca Isaac churitami charirca.

GÉNESIS 25:6

Ashtahuanpish caishuc huarmicunapi charishca churicunamanca asha convidanacunallatami curca. Shina cushpami, paipac churi Isaacpac ñaupamanta caruman cacharca. Paicunaca inti llucshina lado caru llactapimi causarca.

GÉNESIS 22:10

Shina churashpami Abrahamca cuchillota japishpa, paipac churita huañuchigrirca.

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

GÉNESIS 17:21

Ashtahuanpish ñuca ari nishcataca Isaac-huanmi callarichisha. Cambac huarmi Saraca shamuc huata, cai shina punzhapimi cari huahuata charinga— nirca.

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

PROVERBIOS 22:10

Burlashpa asic runata llucchishpa cachacpica, piñanacuica chiriyangami. Piñanacushpa rimarinapish, pingaichinapish tucuringami.

JUECES 11:2

Galaadpac huarmipish huahuacunata charishcami carca. Chai huahuacuna huiñashpami Jeftetaca: «Canca shuctac huarmipi tiyashca cashcamantaca mana ñucanchic taita charishcacunata japinguichu» nishpami llucchishpa cacharca.