GÉNESIS 20:9 - Dios Rimashcata Quillcashcami

⁹ Chai quipa Abimelecca Abrahamta cayachishpaca: —¿Imatatac ruhuarcangui? Ñucatapish, ñuca mandacuc llactatapish jatun juchata ruhuachingapac shamuchunca, ¿ñucanchicca cantaca ima millaitatac ruhuashcanchicyari? Mana ruhuana cashcatami ruhuashcangui.

GÉNESIS 20:9 Referans Kwoze

GÉNESIS 12:18

Chaimantami Faraonca Abramta cayashpaca: «¿Ima nishpatac caita ruhuangui? ¿Ima nishpatac cai huarmitaca cambac huarmi cashcata mana huillarcangui?

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

GÉNESIS 26:10

Shina nicpimi Abimelecca: —¿Ima nishpatac caita ruhuarcangui? Caimanta maijan runacuna cambac huarmihuan sueñushca cacpica, canmantami ñucanchicca juchallinchicman carca— nirca.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Paicunataca upallachina can.

ROMANOS 2:11

Diosca pimanpish mana tucushpami cunga.

PROVERBIOS 28:10

Allita ruhuaccunata pandachishpa, mana alli ñanpi churac runaca paillatac allashca jutcullapitacmi urmanga. Ashtahuanpish allita ruhuaccunaca allicunatami japinga.

2 SAMUEL 13:12

Shina nicpica: —¡Turilla, ama chashna ruhuaichu! ¡Ñucanchic israelcunapurapica mana chai millaita ruhuanachu canchic! ¡Ama millaita ruhuaichu!

2 SAMUEL 12:5

Shina nicpimi, Davidca chai chayuc runahuanca nina japiric shina piñarishpa Natantaca: —¡Mandac Diospac shutipimi nini: Maijan chaita ruhuacca huañunatacmi can!

JOSUÉ 7:25

Chaipimi Josueca: —¿Ima nishpatac ñucanchicta chashna llaquipi churarcangui? Cantapish, Mandac Dios cunan punzha llaquichichun— nirca. Chai quipaca, tucui israelcunami rumihuan shitashpa huañuchirca. Shina huañuchishca quipaca tucuimi rupachirca.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

ÉXODO 32:35

Aaronta ruhuashca curi becita alli nishcamantami Mandac Diosca israelcunata ungüihuan llaquichirca.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

GÉNESIS 38:24

Quimsa quilla quipami Judamanca: —Cambac nuera Tamarca maijan carihuanchari chayarishpa, huicsayuc tucushcami— nishpami huillarca. Shina huillacpimi Judaca: —¡Chaimanta llucchishpa, rupachichic!— nirca.

GÉNESIS 34:7

Jacobopac churicuna michina pambamanta cutishpa, paicunapac pani Dina ima tucushcata yachashpaca yallitami llaquirirca. Israelcunapurapica Siquem Dinata japirishpa llaquichishcaca jatun pingaimi carca. Pipish mana ruhuashcatami ruhuashca carca. Chaimantami Jacobopac churicunaca yallita piñarirca.

GÉNESIS 20:8

Shina nicpimi, jatun mandac Abimelecca tutamanta jatarishpa, tucui paita serviccunata cayashpa, ima shina muscushcata huillarca. Shina huillacpica, yallitami chai serviccunaca mancharirca.

GÉNESIS 20:10

¿Ima yuyaihuantac caita ruhuarcangui?— nirca.

GÉNESIS 29:25

Tutamanta Jacobo jatarishpa ricucpica, Leami cashca carca. Chaimantami Jacoboca Labantaca: —¿Imatatac ruhuarcangui? ¿Manachu Raquelmanta trabajarcani? ¿Imamantatac ñucataca umarcangui?— nirca.