GÉNESIS 20:6 - Dios Rimashcata Quillcashcami

⁶ Shina nicpimi, Mandac Diosca muscuipi ricurishpaca: «Ari, can alli shunguhuan chashna ruhuashcataca yachanimi. Chai huarmipi chayarishpa, ñuca mandashcata paquishpa, juchallichunpish cantaca mana saquircanichu.

GÉNESIS 20:6 Referans Kwoze

1 SAMUEL 25:34

¡Israelcunata Mandac Diospac shutipimi nini: Paimi canta llaquichinamantaca jarcashca! Ñucahuan tupangapac can mana utca shamushca cacpica, caya punzhapacca Nabalpac runacunataca shucllapish mana saquirinmanchu carca— nirca.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

GÉNESIS 31:7

Ashtahuanpish paica ñucaman pagashpapish chunga cutincamanmi umashca. Shina cacpipish, pai ima millaita ruhuachunca, Diosca mana saquishcachu.

2 TESALONICENSES 2:7

Chai mana alli ruhuanaca ñami callarishca. Millaita ruhuac runa ricurinata jarcacucllapimi, manarac ricurin. Ña chai jarcacucta anchuchicpica,

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ÉXODO 34:24

Cambac ñaupamantaca tucuitami shuctac llacta gentecunataca llucchishpa cachasha. Chashnami cancunapac causana llactaca ashtahuan mirachisha. Chashna huatapi quimsa cutin ñuca ñaupapi ricuringapac shamucpica, pi mana cambac allpata quichushpa, japisha ningachu.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

GÉNESIS 20:18

Abimelec Abrahampac huarmi Sarata apashcamantami Mandac Dios Abimelecpac huasipi causac huarmicunataca huahuata mana charic pudicta ruhuarca.

2 TESALONICENSES 2:11

Chaimantami Diosca llullashpa crichichun, shinallatac llullashcata crichunpish poderta cunga.

1 CORINTIOS 7:1

Cunanca cancuna quillcashpa, tapushcatami huillagrini. Mana cazarashpa causanaca allimi canman.

LEVÍTICO 6:2

«Maijanpish shuc runapac imata cuidacushpa, mana cashpaca mingai tucushpa charicushcata mana cutichishpa, shuhuashpaca Mandac Diospac ñaupapimi juchayuc tucun.

GÉNESIS 26:11

Chaimantami Abimelecca tucui chai llactapi causaccunataca: —Maijanpish chai runata, mana cashpaca huarmita tuparishpa, llaquichicca huañungami— nishpa rimarca.

GÉNESIS 3:3

ashtahuanca chai huerta chaupipi tiyac yurallamantami Diosca: “Ama micunguichicchu, shinallatac ama tuparinguichicchu. Chai yuramanta micushpaca huañunguichicmi” nircami— nirca.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

PROVERBIOS 6:29

Maijanpish shucpac huarmihuan purishpaca chashnallatacmi tucun. Maijanpish chashna chayarishpaca, llaquita apangatacmi.