GÉNESIS 2:7 - Dios Rimashcata Quillcashcami

⁷ Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

GÉNESIS 2:7 Referans Kwoze

1 CORINTIOS 15:45

Dios quillcachishcapica: «Diosca punta Adantaca causaiyuctami ruhuarca» ninmi. Cutin quipa Adantaca causachic Espirituyuctami Diosca ruhuarca.

JOB 33:4

Ñucataca Diospac Espiritumi ruhuarca. Tucuita ruhuac Diospac samaimi causaita cun.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

HECHOS 17:25

Paica causaitapish, samaitapish, tucui imatapish cuc Diosmi. Chaimanta mana gentecunapac ayudata shuyanchu.

1 CORINTIOS 15:47

Punta ruhuashca Adanca allpamantami carca. Quipa Adanmi, jahua pachamanta shamushca carca.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

JOB 27:3

¡Ñucapi causaita cuc samaipish, Diospac samaipish tiyashcacamanca,

GÉNESIS 7:22

Samaita aisashpa allpapi causaccunaca tucuimi huañurca.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

SALMOS 103:14

Paica ñucanchic imalaya cashcata ricsishpami, ñucanchicca allpamanta cashcata yachan.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

ISAÍAS 2:22

¡Ama runacunapi shunguta churashpa causaichicchu! Paipac causaica huaira shinallami. ¿Runa ima cacpitac, shunguta churanguichic?

GÉNESIS 3:23

Mandac Diosca Edén huertamanta runata llucchishpa allpapi trabajachun churarca. Chai allpamantami paica ruhuashca carca.

HEBREOS 12:9

Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

PROVERBIOS 20:27

Runapac samaica Mandac Dios cushca lámpara shinami. Chaimantami shungupi tucui yuyashcata ricun.

JOB 33:6

Canpish, ñucapish Diospac ñaupapica chashnallatacmi canchic. Ñucapish allpamanta ruhuashcallatacmi cani.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

SAN JUAN 20:22

Chashna nishpa paicunata pucushpami: —Diospac Espirituta chasquichic.

JOB 4:19

Ñuto allpa jahuapi allpamanta huasichishca shina, runacunatacarin, ¡maitatac alli ningayari! ¡Paicunaca polilla micucpi tucurinallami cancuna!

NÚMEROS 27:16

—Mandac Dioslla, canca tucui causaita chariccunapac Diosmi cungui. Cai gentecunata pushachunca shuc runata churaiyari.

ECLESIASTÉS 3:7

Lliquingapacpish, sirangapacpish punzha tiyanmi. Upallangapacpish, rimaringapacpish punzha tiyanmi.

1 TIMOTEO 2:13

Diosca Adantaracmi ruhuarca. Quipatami Evataca ruhuarca.

GÉNESIS 2:6

Shina cacpipish, allpamanta samai shina yacu llucshishpami, tucui allpataca jucuchicurca.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

EZEQUIEL 37:5

Mandac Diosca: Ñucami cancunapica causaita cuc samaita churani. Chaimantami causaringuichic.

GÉNESIS 1:27

Diosca pai shinatami runataca ruhuarca. Chashnami caritapish, huarmitapish ruhuarca.

EZEQUIEL 37:6

Cancunapica angucunatapish, aichatapish churashpami jahuataca carahuan tapasha. Causaita cuc samaita churashpami, causaiyucta ruhuasha. Chaita ricushpami, ñucataca Mandac Dios cashcata yachanguichic” ninmi ningui— nirca.