GÉNESIS 2:17 - Dios Rimashcata Quillcashcami

¹⁷ Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

GÉNESIS 2:17 Referans Kwoze

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

SANTIAGO 1:15

Chai shina mana alli munaicunamantami, juchaca chichushca shina tucushpa huacharin. Chai juchata ruhuacpica huañuimanmi apan.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Diosca juchacunata perdonashpami, Jesucristohuan pacta causachirca.

1 TIMOTEO 5:6

Ashtahuanpish quiquin munaita ruhuashpa causac viudaca, causacushpapish huañushca shinami can.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

1 CORINTIOS 15:22

Ima shinami Adanpac juchamantaca tucui gentecuna huañuna can, chashnallatacmi Cristota crishcamantaca tucui gentecuna causaita charinga.

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.

1 CORINTIOS 15:56

Nanachishpa huañuchicca juchami. Mandashcacuna tiyashcamantami juchaca poderta charin.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

EZEQUIEL 18:32

Ñucaca pipish ama huañuchunmi munani. ¡Millaita ruhuashcamanta llaquirishpa, ñucapacman shamuichic. Causanguichicmi! Chaitaca Mandac Dios ñucami nini.

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

GÉNESIS 3:11

Shina nicpimi, Mandac Diosca: —¿Pitac canmanca lluchulla cashcataca huillarcayari? ¿Ñuca ama micunguichu nishca yuramantachu micurcangui?— nirca.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

EZEQUIEL 33:8

Ñuca, ñucata mana manchac runata: ‘¡Ñucata mana manchashcamantaca huañunguitacmi!’ nicpipish, can chai runata millaita ruhuanata saquichun mana rimacpica, chai runaca paipac juchamantami huañunga. Shina cashpapish paipac yahuarmantaca canmi juchanchishca cangui.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

APOCALIPSIS 20:14

Chai quipaca, Huañuipish, Hadespish rupacuc nina cuchapimi shitashca carca. Chaica quipa huañuimi.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

APOCALIPSIS 2:11

Maijanpish ringrita charicca, Diospac Espíritu tandanacushca criccunaman ima nicushcata uyachun. Millaita mishacca quipa huañuipica ima llaquita mana apangachu” ninmi.

EZEQUIEL 33:14

Ñuca, ñucata mana manchac runata: ‘¡Huañunguitacmi!’ nicpi, chai runa juchata ruhuanata saquishpa, ñucapacman cutirishpa, pandata mana ruhuashpa, cashcata ruhuashpa,

DEUTERONOMIO 30:19

Cunanmi cancuna llaquita apanata ricuchichun jahua pachatapish, cai pachatapish cayani. Cancunapac ñaupapimi causaitapish, huañuitapish, bendiciontapish, maldiciontapish acllachun ricuchini. Cancunapish, cancunapac huahuacunapish acllaichic.

DEUTERONOMIO 30:15

Cunanmi cancunapac ñaupapi causaitapish, allitapish, huañuitapish, llaquitapish churani.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

1 REYES 2:42

Chaimantami jatun mandac, Simeita cayachun cachashpaca: «¿Manachu cantaca: “Caimanta llucshishpa maiman ricpica, chai punzhallatacmi huañungui” nircani? Caitaca Mandac Diosmantami ari nichircani. Chaitaca canllatacmi alli yachangui Ñuca shina nicpica, canpish “allitami ningui, ñucaca chaita cazushami” nircanguimi.

1 SAMUEL 14:39

¡Israelcunata quishpichic Mandac Diospac shutipimi nini: Maijan cashpapish, ñuca churi Jonatán cashpapish, juchata ruhuashca cashpaca huañungatacmi!— nirca. Shina nicpipish, soldadocunaca imata mana nircacunachu.

DEUTERONOMIO 27:26

Cutin: “¡Cai mandashcapi ima nishcacunata mana cazushpa, mana pactachicca, llaqui tucushca cachun!” nicpica, tucui gentecunami: “¡Chashna cachun!” ninga.

NÚMEROS 26:65

Paicunataca Mandac Diosllatacmi: «Shitashca pambapi huañungacuna» nishca carca. Chashnami tucui huañushca carca. Ashtahuanpish Jefonepac churi Caleb, Nunpac churi Josuellami saquirishca carca.

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

GÉNESIS 2:9

Mandac Diosca chai huertapica tucuilaya sumac micunalla granocunata pucuc yuracunatami huiñachirca. Shinallatac huerta chaupipica causaita cuc yuratapish, alli cashcata, mana alli cashcata yachachic yuratapish huiñachircami.

APOCALIPSIS 20:6

Maijanpish chai punta causarinapi causariccunamanca, ¡mai cushicuimi canga! Paicunaca Diospaclla cac acllashcacunami can. Quipa huañuica imata paicunataca mana ruhuangachu, ashtahuanpish paicunaca Diospactapish, Cristopactapish ruhuac curacunami canga. Shinallatac paicunami Cristohuanca huaranga huatata mandangacuna.

JEREMÍAS 26:8

Mandac Dios huillachun mandashcata Jeremías huillashca quipa curacunapish, huillaccunapish, gentecunapish paita japishpaca: «¡Huañunatacmi cangui!

1 SAMUEL 22:16

Shina nicpimi, jatun mandacca: —¡Ahimelec canpish, cambac taitapac huasi familiapish huañunami canguichic!— nirca.

1 SAMUEL 20:31

Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.

1 SAMUEL 14:44

Shina nicpimi Saulca: —¡Mandac Dios chashna ruhuachun! Canta mana huañuchicpica, Mandac Dios chaitapish yallita llaquichichun— nirca.

1 REYES 2:37

Chaimanta llucshishpa Cedrón yacuta pasashpa rishpaca chai punzhallatacmi huañungui. Chashna cacpica, can huañushcaca cambac jahuallatami canga— nirca.

JUECES 3:2

Manarac macanacuita yachac israelcuna yachacuchun, shinallatac huahua huahuacunaman macanacunata yachachichunmi saquirca.