GÉNESIS 19:36 - Dios Rimashcata Quillcashcami

³⁶ Chashnami Lotpac ishcai ushicunaca taitapacta huicsayuc tucurca.

GÉNESIS 19:36 Referans Kwoze

HABACUC 2:15

¡Canca ubiachishpami machachingui! ¡Vinohuan machachishpami pingaichingui! ¡Aij, imachari tucungui!

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

GÉNESIS 19:8

Uyaichic, carihuan manarac chayarishca ishcai ushitami charini. Paicunata canzhaman llucchisha, paicunataca cancuna munashcata ruhuaichiclla, ashtahuanpish cai ñuca huasipi pozaccunataca ama imata ruhuaichicchu— nirca.

GÉNESIS 19:35

Chai tutaca cutinllatacmi taitaman vinota ubiachishpa, quipa ushica taitahuan sueñurca. Ashtahuanpish taitaca ima horas siririshcatapish, ima horas jatarishcatapish mana yacharcachu.

GÉNESIS 19:37

Punta ushica shuc cari huahuatami charirca. Chai huahuataca Moabtami shutichirca. Paimi cunan punzha causac moabitacunapac taitaca can.

DEUTERONOMIO 2:9

Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.