GÉNESIS 19:1 - Dios Rimashcata Quillcashcami

¹ Ña chishiyagricucpimi, ishcai angelcunaca Sodoma puebloman chayarca. Chai pueblo yaicunapimi Lotca tiyacurca. Angelcuna ricuricpica, paicunata chasquingapacmi jatarishpa pambacaman cumurirca.

GÉNESIS 19:1 Referans Kwoze

GÉNESIS 18:22

Angelcuna chaimanta rishpaca, Sodomamanmi yaicugrirca. Shina ricpipish, Abrahamca Mandac Diospac ñaupamanta mana anchurircachu.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

JOB 31:32

(Carumanta shamuccunatapish mana canzhapi saquishpami, ucuman yaicuchi carcani).

SAN LUCAS 17:28

Shinallatac Lot causai punzhacunapipish, allita micushpa, ubiashpa, catushpa, randishpa, tarpushpa, huasichishpami causacurca.

GÉNESIS 11:27

Tarepac huahua huahuacunaca: Abram, Nacor, Haranmi carca. Haranca Lot churitami charirca.

GÉNESIS 18:16

Chai quipami angelcunaca shayarishpa, Sodoma puebloman ri callarirca. Chashna rigricpimi, Abrahamca ashata compañashpa rirca.

GÉNESIS 19:2

Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

GÉNESIS 19:10

Shina ruhuacucpimi, chai ishcai pozaccunaca Lotta aisashpa, ucuman yaicuchishpa, punguta huichcarca.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

GÉNESIS 13:12

Abramca Canaanpimi causai callarirca. Cutin Lotca chai pugru pambapi tiyac llactacunapimi Sodoma pueblocaman caipi chaipi carpa huasicunata shayachishpa, causai callarirca.

GÉNESIS 23:12

Shina nicpimi, Abrahamca chai llactapi causaccunapac ñaupapi,

GÉNESIS 48:12

Joseca ishcai churicunata taitapac changamanta anchuchishpami, pambacaman cumurirca.

RUT 4:1

Boozca pueblo yaicuna punguman rishpami tiyarirca. Chaipimi Booz rimacushca paipac familia runaca chaita pasacurca carca. Paita ricushpami Boozca: —Uyai, caiman shamui, caipi tiyari— nirca. Shina nicpimi, chai runa rishpa chaipi tiyarirca.

JOB 29:7

Ñuca pueblo punguman ima ruhuashcacunata ricungapac ricpica, plazapimi tiyarinata allichiccuna carca.