GÉNESIS 18:10 - Dios Rimashcata Quillcashcami

¹⁰ Shina nicpimi paicunaca: —Cunan shina shamuc huatami caiman cutimusha. Chaica, chashnatacmi canga. Chai punzhami cambac huarmi Saraca shuc cari huahuata charinga— nirca. Chashna parlanacucuctaca Saraca Abrahampac huasha carpa huasi pungupimi uyashpa shayacurca.

GÉNESIS 18:10 Referans Kwoze

GÉNESIS 21:2

Saraca yuyac cashpapish Abrahampacta huicsayuc tucushpami, Mandac Dios nishca punzhallapitac shuc cari huahuata charirca.

GÉNESIS 17:21

Ashtahuanpish ñuca ari nishcataca Isaac-huanmi callarichisha. Cambac huarmi Saraca shamuc huata, cai shina punzhapimi cari huahuata charinga— nirca.

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÁLATAS 4:28

Cuyashca criccuna, ñucanchicca Isaac shinami, Dios cusha nishca huahuacuna canchic.

GÁLATAS 4:23

Chai servic huarmihuan charishca huahuaca shuctac huahuacuna shinallatacmi tiyarca, ashtahuanpish paipac quiquin huarmihuan charishca huahuaca, Dios cusha nishcamantami tiyarca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

GÉNESIS 16:10

Cambac huahua huahuacunataca maita mana yupaipactami achcata mirachisha.

GÉNESIS 18:9

Chai quipaca runacunaca: —¿Maipitac cambac huarmi Saraca?— nirca. Chashna tapucpimi Abrahamca: —Carpa huasi ucupimi— nirca.

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.