GÉNESIS 17:5 - Dios Rimashcata Quillcashcami

⁵ Cantaca achca gentecunapac taita cachunmi churani. Chaimanta cunanca, ña mana Abram shutichu cangui, ashtahuanpish Abraham shutimi cangui.

GÉNESIS 17:5 Referans Kwoze

NEHEMÍAS 9:7

Mandac Dioslla, canmi taita Abrahamta acllac Diosca cangui. Caldeocunapac Ur pueblomanta llucchishpami, Abrahamta shutichircangui.

GÉNESIS 17:15

Diosca Abrahamtaca: —Cambac huarmi Saraitaca ama ashtahuan Sarai nishpa cayanguichu, ashtahuanpish paica Sara shutimi canga.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

ROMANOS 4:17

Dios quillcachishcapica: «Tauca llactacunapac taita cachunmi churani» ninmi. Abrahamca huañushcacunatapish causachic, ima mana tiyashcacunata ruhuac Diosta crishcamantami tucuipac taita tucushca.

JEREMÍAS 20:3

Chai cayandi punzhami Pasurca Jeremiastaca chaquita canichina jutcucunamanta llucchirca. Chashna llucchicpimi Jeremiasca: «Mandac Diosca cantaca mana Pasur ninchu. Ashtahuanpish Magor-misabibtami shutichishca.

SAN JUAN 1:42

Andresmi Simontaca Jesuspacman pusharca. Chashna pushacpi, Jesús Simonta ricushpaca: —Juanpac churi Simonmi cangui. Cunanmantaca Cefas shutimi cangui— nirca. (“Cefas” nishpaca, “Pedro” nisha ninmi).

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

2 SAMUEL 12:25

Diosmanta huillac Natanta Davidpacman cachashpa, chai huahuataca Jedidiasta shutichirca. Mandac Diosta cazushcamantami chaita shutichirca.

NÚMEROS 13:16

Chaicunami Moisés llactata ricuchun cachashca runacunapac shuticunaca carca. Moisesca Nunpac churi Oseastaca Josuetami shutichirca.

GÉNESIS 35:10

Chaipimi Diosca: «Canca Jacobo shutimi cangui. Quipamanca mana Jacobo shutichu cangui, ashtahuanpish Israel shutimi cangui» nirca.

GÉNESIS 32:29

Shina nicpimi, Jacoboca paitaca: —¿Ima shutitac cangui? Huillaiyari— nirca. Shina nicpimi, chai runaca: —¿Imapactac ñuca shutita tapungui?— nirca. Chai quipami chai runaca Jacobota chaillapitac bendiciarca.

1 CRÓNICAS 1:27

Abrammi carca. Paillatacmi Abraham shutipish carca.