GÉNESIS 15:4 - Dios Rimashcata Quillcashcami

⁴ Mandac Dios cutinllatac rimashpaca: —Cambac charishcacunataca mana paichu japinga, ashtahuanpish cambac quiquin churimari japinga— nirca.

GÉNESIS 15:4 Referans Kwoze

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÁLATAS 4:28

Cuyashca criccuna, ñucanchicca Isaac shinami, Dios cusha nishca huahuacuna canchic.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

GÉNESIS 21:12

Shina cacpimi, Diosca Abrahamtaca: «Canta servic huarmimantapish, churimantapish ama llaquirichu, Sara imata nishcata uyailla. Isaacpac huahua huahuacunallami cambac huahua huahuacunaca canga.

FILEMÓN 1:12

Paitaca cambacllamantacmi cachani. Ñucata chasquic shinallatac, paitaca chasquiyari.

2 SAMUEL 16:11

Chai quipami Davidca Abisaitapish, paita serviccunatapish rimashpaca: —Ñucamanta llucshishca churillatac huañuchisha nicucpica, ¡Benjaminpac aillupuramantacarin mashnatapish rimangallami! Mandac Diosmi chashna nichun nishca canga. Chaimanta mashnatapish maldiciachun saquilla.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.