GÉNESIS 15:14 - Dios Rimashcata Quillcashcami

¹⁴ Chai llactapi causaccuna llaquichishcamantaca paicunatapish ñucaca llaquichishami. Chai quipaca, tucui charishcacunandimi chai llactamanta llucshinga.

GÉNESIS 15:14 Referans Kwoze

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.

SALMOS 135:14

Mandac Diosmi pai acllashcacunataca taripanga. Paita serviccunataca llaquingami.

JOSUÉ 24:17

Ñucanchicta Mandac Diosmi ñucanchictapish, ñucanchic taitacunatapish Egipto llactapi huatashca shina servishpa causacucpi llucchimurca. Chashnami jatun ricuchinacunata ñucanchic ricuipi ruhuashpa llucchimurca. Paimi ñucanchictaca tucui ñancunata tucui llactacunapac chaupita pasacpipish cuidarca.

DEUTERONOMIO 6:22

Mandac Dios Egipto llactapica ñucanchic ñaupapimi Faraontapish, paipac familiacunatapish llaquichishpa, jatun milagrocunatapish, pi mana ruhuaipaccunatapish ruhuarca.

DEUTERONOMIO 4:20

Mandac Diosca cancunataca Egipto llactapi fierrota nuyuchina hornopi shina causacucpimi llucchimurca. Cunan punzha shina, paipaclla acllashca cachunmi llucchimurca.

SALMOS 135:9

Egiptopi causaccunalla, cancunapac chaupipimi ima ricuchinacunatapish, jatun mancharinacunatapish ruhuashpa ricuchirca. Chashnami Faraontapish, tucui paipac gentecunatapish llaquichirca.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

ÉXODO 3:10

Chaimanta cunanca ri. Ñucami ñuca acllashca israelcunata llucchichun, Faraonpacman cachagrini— nirca.

SALMOS 105:42

Chaica paita servic Abrahamman paipac jucha illac shimihuan ari nishcata yuyarishpami pactachirca.

GÉNESIS 48:21

Quipaca taita Israelca Josetaca: —Ñucaca ña huañunallami cani. Shina cacpipish, Diosca cancunahuanmi. Paimi cancunataca, cancunapac ñaupa taitapac llactaman cutin pushanga.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

HECHOS 7:7

Shina cacpipish Diosca: “Servichishpa chariccunataca llaquichishami. Chai quipaca, chai llactamanta llucchishpami, cai llactapi ñucata servingacuna” nircami.