GÉNESIS 14:3 - Dios Rimashcata Quillcashcami

³ Tucui cai pichca jatun mandaccunami Sidim pambapi tandanacurca. Chai pambapimi Cachi yacu cuchaca can.

GÉNESIS 14:3 Referans Kwoze

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.

DEUTERONOMIO 3:17

Jordán yacuta lindero ruhuashpami, Arabá llactataca Cineretmanta Arabá Cachi Cuchacaman curcani. Pisga urcu quingraicamanmi inti llucshina ladomanca curcani.

NÚMEROS 34:12

Chaimantaca Jordán yacu uraita rishpa, Cachi Cuchamanmi chayanga. Chai shinami cancunapac llactaca canga” ninmi ningui» nirca.

GÉNESIS 19:24

Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

GÉNESIS 10:19

Cananeocunapac llactaca Sidonmanta Gerar ladota rishpa, Gaza llactacamanmi carca. Shuc ladomanca Sodoma, Gomorra, Admacamanmi carca. Shinallatac Seboimantaca Lasa llactacamanmi carca.

GÉNESIS 14:4

Chai mandaccunami jatun mandac Quedarlaomertaca chunga ishcai huatata servishpa causarca. Shina cashpapish, chunga quimsa huatapica jatun mandac Quedarlaomerhuan macanacungapac jatarircami.

GÉNESIS 14:8

Shina cacpimi, Sodoma, Gomorra, Adma, Zeboim, Zoar nishca Bela llactacunamanta jatun mandaccuna llucshishpa, Sidim pambapi macanacungapac allichirirca.

GÉNESIS 14:10

Sidim pambapica asfalto llucchishca achca jutcumi tiyarca. Chai jutcucunapimi Gomorrata jatun mandacpish, Sodomata jatun mandacpish chai macanacuimanta miticushpa callpacushpaca urmarca. Shuctac mandaccunaca urcucunapimi miticurca.