GÉNESIS 13:9 - Dios Rimashcata Quillcashcami

⁹ Cai tucui allpaca cambac ñaupallapitacmi. Chaimanta ñucamanta raquirichunmi munani. Can lluqui maqui ladoman ricpica, ñucaca alli maqui ladomanmi risha, cutin can alli maqui ladoman ricpica, ñucaca lluqui maqui ladomanmi risha» nirca.

GÉNESIS 13:9 Referans Kwoze

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

GÉNESIS 34:10

Allpaca cancunapac maquipimi. Chaimanta ñucanchic-huan causangapac caipi saquirichic. Imatapish randishpa, catushpa cai allpapi causaichiclla— nirca.

GÉNESIS 20:15

Chashna cushpapish Abimelecca Abrahamtaca: —Riqui, ñuca llactaca cambac ñaupapimi. Can maipi munangui, chaita acllashpa causagrilla— nirca.

1 CORINTIOS 6:7

Cancunapura chashna piñanacushcaca, ñami shuc pingai ricurin. Chaipac randica mana allita ruhuacpipish, shuhuacpipish ¿manachu saquinalla canga?

ROMANOS 12:18

Tucuihuan cushilla causanata munaichic.

SALMOS 120:7

Ñucaca cushilla causaitami munani. Ashtahuanpish ñuca parlai callaricpica, paicunaca huaicashpami llaquichincuna.

GÉNESIS 13:8

Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

JEREMÍAS 40:4

Cunanmi cadenahuan huatashcataca maquimanta cacharichini. Ñucahuan Babilonia llactaman risha nishpaca jaculla. Cantaca ñucami cuidasha. Cutin Babilonia llactaman mana rishpa, caipi saquirisha nishpaca saquilla. Riqui, cai tucui llactacunami cambac ñaupapi, maimanmi risha ningui, chaiman rilla.