GÉNESIS 11:7 - Dios Rimashcata Quillcashcami

⁷ Cunanca, paicunapac rimaita chican chicanta ruhuangapac urai rishunchic. Shina ruhuacpimi, caishuc chaishuc imata rimacushcata mana entendingacuna» nirca.

GÉNESIS 11:7 Referans Kwoze

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

SALMOS 55:9

Mandac Dioslla, paicunataca tucuchiyari. Paicunapac rimaitaca pandachiyari. Pueblopica llaquichinacucta, camishpa rimanacuctapimi ricuni.

GÉNESIS 1:26

Shinallatac Diosca: «Ñucanchic shina cachun, shuc runata ruhuashun. Mama cuchapi causac animalcunapish, jahuata volac animalcunapish, sacha animalcunapish, charina animalcunapish, allpata aisarishpa puric animalcunapish paipacmi canga» nirca.

1 CORINTIOS 14:23

Criccuna tandanacushpa, mana yachashca rimaicunata rimanacucucpi, maijan manarac yachac, mana cashpaca manarac cric yaicushpaca, ¿manachu “caicunaca yuyai illac” ninga?

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

SALMOS 2:4

Jahua pachapi causac Mandac Diosca asingami, paicunataca burlatami ruhuanga.

JOB 12:20

Cashcata nishpa rimaccunatapish upallachinmi. Yuyaccunapac yachaitapish quichunmi.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

ISAÍAS 6:8

Chai quipa Mandac Dios rimashca uyarishpaca: —¿Pitatac cachashayari? ¿Pitac ñucanchicmanta huillagringayari?— nirca. Shina nicpimi ñucaca: —Caipimi cani. Ñucata cachailla— nircani.

GÉNESIS 42:23

Joseca shuc entendichic-huanmi parlac carca. Chaimantami paicunaca José paicunahuan parlashcataca mana entendicushcata yuyarca.

GÉNESIS 11:5

Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

GÉNESIS 10:20

Caicunami Campac huahua huahuacunaca carca. Paicunaca aillupuralla quiquin rimaita rimashpa, quiquin allpapi, quiquin llactapimi causarca.

GÉNESIS 3:22

Shinallatac Mandac Diosca: «Runaca ñucanchic shinallatacmi allitapish, mana allitapish yachac tucushca. Cunanca, maquita chutashpa chai huiñai causaita cuc yuramantaca mana micunachu can. Chaita micushpaca, huiñaitami causanga» nirca.

GÉNESIS 10:32

Caicunami Noepac churicunapac aillucunaca carca. Paicunaca quiquin llactacunallapitac ima shina mirarishca shinallatacmi causarca. Paicunamantami cai pachapi yacu juizhu tucurishca quipaca caita chaita rishpa, llacta tucushpa causarca.

GÉNESIS 10:5

Paicunaca mama cucha lado llactacunapimi causarca. Paicunaca quiquin rimaita rimashpami, paicunapac aillucunapuralla causarca.

ÉXODO 4:11

Mandac Diosca: —¿Pitac runamanca shimita curca? ¿Pitac mana rimactapish, ringri mana uyactapish, ñahui mana ricuctapish ruhuarca? ¿Manachu Mandac Dios ñucallatac ruhuarcani?

ISAÍAS 33:19

Ashtahuanpish canca chai cari tucushca, mana entendipacta rimac, mana allita rimac gentecunataca mana ashtahuan ricunguichu.