GÉNESIS 11:4 - Dios Rimashcata Quillcashcami

⁴ Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

GÉNESIS 11:4 Referans Kwoze

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

SAN JUAN 5:44

Cancunaca, cancunapura alli ninacunallatami munanguichic, ashtahuanpish shuclla Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN LUCAS 1:51

Paipac maquihuanmi mancharinacunata ruhuashca. Jatun tucushcacunapac yuyaitapish chingachishcami.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

DEUTERONOMIO 9:1

¡Israelcuna uyaichic! Cunanmi Jordán yacuta pasashpa, cancunata yalli achca, sinchi gentecunamanta allpata quichushpa, llucchishpa cachagringuichic. Muyundita alto pircashca llactacunatapish quichunguichicmi.

2 SAMUEL 8:13

Davidca cachi tiyac pambapi chunga pusac huaranga edomitacunata huañuchishpa cutishpami, tucuipac alli nishcapish, tucuipac ricsishcapish tucurca.

DANIEL 4:11

Chai yuraca huiñashpami sinchi tucurca. Chai yuraca jahua pachacamanmi carca. Chaimantami cai pachamantaca maimantapish ricunalla carca.

GÉNESIS 6:4

Diospac churicuna cai pachaman shamushpa, runacunapac ushicunahuan cazarai punzhacunaca manchana yalli jatun runacunami tiyarca. Shinallatac quipamanpish tiyarcami. Paicunami runacunapac ushicunapi chayarishpa, huahuacunata charirca. Chai huahuacunami ñaupa punzhamanta pacha sinchi runacuna nishca carca.

DANIEL 4:22

canmi cangui. Jatun mandaclla, canmi chai yura shina huiñashpa sinchiyashcangui. Canca jahua pachacaman huiñac shina alli nishca cashpami tucui cai pacha tucuricaman mandacungui.

SALMOS 92:9

Mandac Dioslla, canta piñaccunaca chingaringami. Millaita ruhuaccunataca caita chaitami cachangui.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

SALMOS 107:26

Chai yacuca jahuaman huichai rishpami cutin urmashpaca, jatun mama cucha ucupi chingarirca. Yallita manchaihuanmi yacuyac shina tucurcacuna.

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.