GÉNESIS 10:25 - Dios Rimashcata Quillcashcami

²⁵ Heberca ishcai churitami charirca. Punta churitaca chai punzhacunapi cai pachapi chicanyarinacui tiyashcamantami Pelegta shutichirca. Paipac huauquica Joctanmi carca.

GÉNESIS 10:25 Referans Kwoze

1 CRÓNICAS 1:19

Heberca ishcai churitami charirca. Punta churica Pelegmi carca. Cai pachapi causaccuna chicanyanacushca punzha huacharishcamantami chashna shutichirca. Pelegpac huauquica Joctanmi carca.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

DEUTERONOMIO 32:8

Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.

GÉNESIS 10:32

Caicunami Noepac churicunapac aillucunaca carca. Paicunaca quiquin llactacunallapitac ima shina mirarishca shinallatacmi causarca. Paicunamantami cai pachapi yacu juizhu tucurishca quipaca caita chaita rishpa, llacta tucushpa causarca.

GÉNESIS 10:21

Jafetpac punta huauqui Sempish churicunata charircami. Semca Heberpac huahua huahuacunapac punta taitami carca.

GÉNESIS 10:26

Joctanca Almodad, Selef, Hazar-mavet, Jera,

GÉNESIS 10:5

Paicunaca mama cucha lado llactacunapimi causarca. Paicunaca quiquin rimaita rimashpami, paicunapac aillucunapuralla causarca.

JOB 15:19

Paicunamanmi cai llactataca curca. Paicunapac llacta chaupitaca mana ricsishca runacunaca mana rircachu.