GÉNESIS 1:4 - Dios Rimashcata Quillcashcami

⁴ Diosca chai punzhataca alli cashcatami ricurca. Shinami punzhataca puramanta chicanyachirca.

GÉNESIS 1:4 Referans Kwoze

ECLESIASTÉS 11:7

Achic punzhaca sumacmi, achiclla intita ñahuihuan ricunaca allimi.

ECLESIASTÉS 2:13

Chashna alli yuyarishpami achicca tutata achicyachic shinallatac, yuyai illactaca alli yachai atic cashcata yacharcani.

GÉNESIS 1:18

Chaicunataca punzhapish, tutapish achicyachichun, shinallatac amsamanta achicta chicanyachichunmi ruhuarca. Diosca chaitaca alli cashcatami ricurca.

GÉNESIS 1:12

Chashna nicpica, chashnami allpapica verdinlla quihuapish, imalaya pucuc quihuapish, muyuta cuc yurapish huiñashpa pucurca. Chashnami imalaya muyupish chai yuracunapi tiyarca. Diosca chaitaca alli cashcatami ricurca.

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

GÉNESIS 1:10

Quipaca chai chaquishcataca «Allpa» nishpami shutichirca. Tandarishca yacutaca «Mama cucha» nishpami shutichirca. Diosca chaitaca alli cashcatami ricurca.

GÉNESIS 1:25

Diosca allpapi tiyac sacha animalcunatapish, pambata aisarishpa puric animalcunatapish, charina animaltapish chaipurallatami ruhuarca. Diosca chaitaca alli cashcatami ricurca.

SALMOS 145:9

Mandac Diosca tucuihuanmi alli. Tucui pai ruhuashcacunaca pai llaquishcamantami tiyan.

SALMOS 145:10

Mandac Dioslla, tucui can ruhuashcacunami cantaca alabangacuna. Cambaclla causaccunapish cantaca alli ningacunami.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.