GÉNESIS 1:11 - Dios Rimashcata Quillcashcami

¹¹ Chai quipami Diosca: «Cai allpapica granota, muyuta pucuc tucuilaya quihuacunapish, yuracunapish huiñachun» nirca. Shina nicpica, chashnatacmi saquirirca.

GÉNESIS 1:11 Referans Kwoze

HEBREOS 6:7

Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.

SALMOS 147:8

Paimi jahua cielocunata puyuhuan tapashpa tamyata allpaman cachangapac allichin. Paimi urcucunapipish quihuata huiñachin.

GÉNESIS 1:29

Chai quipami Diosca: «Riquichic, cai allpapi tiyac muyuta pucuc yuracunatapish, micuna granota pucuc granotapish, muyuta cuc yuracunatapish cunimi. Tucui caicunamantami micui pudinguichic.

GÉNESIS 2:9

Mandac Diosca chai huertapica tucuilaya sumac micunalla granocunata pucuc yuracunatami huiñachirca. Shinallatac huerta chaupipica causaita cuc yuratapish, alli cashcata, mana alli cashcata yachachic yuratapish huiñachircami.

MARCOS 4:28

Allpaca, paillami granota ricuchin. Chaica, puntaca pangacunarac ricurin. Quipaca espiga ricurin, cutin espigapica grano ricurin.

SAN MATEO 6:30

¡Mana tucui shunguhuan cric gentecunalla! Cunanca sumacta sisacuc, cayaca ninapi shitanalla quihuacunatapish huiñachic Diosca, ¿manachu cancunamanca ashtahuan yallita churachinga?

JOB 28:5

Allpapimi micunaca pucun. Allpa ucupica rupacuc ninami tiyan.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

GÉNESIS 2:5

manarac tamyarcachu. Chaimantami cai allpapica ima yurapish, quihuapish manarac huiñarca. Shinallatac allpata allichic runapish manarac tiyarcachu.

SANTIAGO 3:12

Ñuca cuyashca criccuna, higo yuraca olivos murutaca mana pucunchu. Uvas yurapish higotaca mana pucunchu. Chashnallatacmi cachi yacupish, mishqui yacupish chaillamantacca mana tucyan.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

GÉNESIS 2:16

Chashna churashpami, Mandac Diosca chai runataca: «Tucui huertapi tiyac yuracunapi pucushcata micui pudinguimi.

1 CORINTIOS 15:38

Diosmi pai munashca shina chai muyutaca huiñachin. Cada muyumi quiquin yurata charin.

GÉNESIS 1:12

Chashna nicpica, chashnami allpapica verdinlla quihuapish, imalaya pucuc quihuapish, muyuta cuc yurapish huiñashpa pucurca. Chashnami imalaya muyupish chai yuracunapi tiyarca. Diosca chaitaca alli cashcatami ricurca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.