GÉNESIS 1:10 - Dios Rimashcata Quillcashcami

¹⁰ Quipaca chai chaquishcataca «Allpa» nishpami shutichirca. Tandarishca yacutaca «Mama cucha» nishpami shutichirca. Diosca chaitaca alli cashcatami ricurca.

GÉNESIS 1:10 Referans Kwoze

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

SALMOS 104:31

¡Mandac Diospac sumaimanaca huiñaita cachun! ¡Mandac Diosca pai ruhuashcacunahuan cushicuchun!

GÉNESIS 1:4

Diosca chai punzhataca alli cashcatami ricurca. Shinami punzhataca puramanta chicanyachirca.

SALMOS 33:7

Paimi mama cucha yacucunataca montonashpa charin. Tucui jatun yacucunatami huacaichishpa churan.

SALMOS 95:5

Mama cuchapish paipacmi. Paimi yacutapish, chaquishca allpatapish paipac maquihuan ruhuarca.

SALMOS 146:6

Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.