GÉNESIS 1:1 - Dios Rimashcata Quillcashcami

¹ Imapish manarac tiyacpimi, Diosca jahua pachatapish, cai pachatapish ruhuarca.

GÉNESIS 1:1 Referans Kwoze

HEBREOS 11:3

Crishcallamanta Diospish rimashcallahuan cai pachata, jahua pachata ruhuashcatami yachanchic. Chaitaca imapish mana ricuricmantami ruhuashca.

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.

HEBREOS 1:10

Shinallatac: “¡Mandac Dioslla! Canllatacmi cai allpatapish, imapish manarac tiyacpi ruhuarcangui. Canllatacmi jahua pachatapish ruhuarcangui.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

ÉXODO 20:11

Ñucaca Mandac Diosmi cani. Ñucaca sucta punzhapimi jahua pachatapish, cai pachatapish, mama cuchatapish, chaipi tucui ima tiyashcatapish ruhuarcani. Ashtahuanpish canchisniqui punzhapica samarircanimi. Chaimantami ñucaca chai punzhataca bendiciashpa, ñucapacllata ruhuarcani.

JOB 38:4

¿Ñuca cai pachata ruhuacucpica, maipitac carcangui? Allita entendic cashpaca huillaiyari.

HECHOS 17:24

Pai Diosca cai pachatapish, cai pachapi tucui ima tiyaccunatapish ruhuacmi. Paica jahua pachatapish, cai pachatapish Mandacmi. Paica mana gentecunalla ruhuashca altarpi causanchu.

2 PEDRO 3:5

Chai gentecunaca Dios rimashpalla jahua pachatapish, cai pachatapish ñaupamanta pacha ña ruhuashcata, shinallatac allpatapish yacumanta chicanyachishpa, yacu chaupipi charicushcataca mana entendishun nincunachu.

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

ISAÍAS 44:24

Mamapac huicsapi cacpirac cuidac, cancunata quishpichic Mandac Diosca: «Ñucami tucuita ruhuac Mandac Diosca cani. Ñucallami jahua pachatapish, cai pachatapish pañota tendic shina churarcani.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

JEREMÍAS 51:15

Mandac Diosca poderyuc cashpami cai pachataca ruhuarca. Yallita yachac cashpami cai pachataca maita mana cuyuchipacta churarca. Alli yuyaiyuc cashpami, jahua pachataca pañota tendic shina churarca.

SALMOS 33:9

Pai rimacpimi tucui imapish ruhuarirca. Pai mandacpica maipi tiyarina pushtullapitacmi tucui imapish tiyarirca.

PROVERBIOS 3:19

Mandac Diosca cai alli yachaihuanmi cai allpataca ruhuarca. Alli yuyaihuanmi jahua pachataca maita mana cuyuchipacta sinchita churarca.

APOCALIPSIS 14:7

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.

SALMOS 115:15

Cancunataca jahua pachata cai pachata ruhuac Mandac Dios bendiciachun.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

SALMOS 136:5

Alli yuyaihuan jahua pachata ruhuac Diostaca alabaichicyari. ¡Paica huiñaita llaquicmi!

JEREMÍAS 10:12

Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

1 CORINTIOS 8:6

ñucanchicmanca shuclla Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

SALMOS 8:3

Jahua pachata ricushpaca quillatapish, lucerocunatapish cambac maquihuan ruhuashcatami ricuni.

SALMOS 102:25

Imapish manarac tiyacpimi, cai pachataca ruhuarcangui. Jahua pachaca cambac maquihuan ruhuashcami can.

HEBREOS 3:4

Tucui huasicunami maijan ruhuashca can, shina cacpipish, tucuita ruhuacca Diosmi.

SALMOS 124:8

Ñucanchicta ayudacca jahua pachatapish, cai pachatapish ruhuac Mandac Diospac shutipimi can.

HEBREOS 1:2

Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.

PROVERBIOS 16:4

Mandac Diosca shuc yuyaihuanmi tucuita ruhuashca. Diosta mana manchac runatapish llaquichina punzhapi llaquichingapacmi ruhuashca.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

SALMOS 121:2

Ñucata ayudacca Mandac Diosmantami shamun. Paimi jahua pachatapish, cai pachatapish ruhuarca.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

SALMOS 96:5

Shuctac gentecunapac dioscunaca yangalla dioscunami. Ashtahuanpish Mandac Diosmi jahua pachataca ruhuarca.

APOCALIPSIS 10:6

jahua pachatapish, cai pachatapish, mama cuchatapish, tucui chaipi ima tiyaccunatapish ruhuacpac, huiñaita causacpac shutipimi: «Cunanca shuyana punzhacunaca ña mana tiyangachu.

ROMANOS 11:36

Chaica, tucui imapish Diosmantami tiyan. Tucui imapish paipacmi. ¡Chaimanta Diostaca huiñai huiñaita alli nishca cachun! Chashna cachun.

HECHOS 4:24

Chashna parlacpi, tucui criccuna shuc yuyailla Diosta mañashpaca: «Mandac Dioslla, canmi jahua pachatapish, cai pachatapish, mama cuchatapish, chaicunapi tucui ima tiyactapish ruhuarcangui.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

ISAÍAS 51:16

Cancunapac shimipimi ñuca rimashcata churashpa, cancunataca maquihuan llanduc shina cuidani. Ñucami jahua pachatapish ruhuarcani. Cai pacha callari rumitapish ñucami churarcani. Shinallatac Sión llactapi causaccunataca: “Cancunaca ñuca acllashcacunami canguichic” ningui» nirca.

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

SALMOS 146:6

Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!

APOCALIPSIS 22:13

Ñucami callari A shina, tucuri Z shina tucuita callarichicpish, tucuchicpish cani— nirca.

1 JUAN 1:1

Dios cai pachata manarac ruhuacpi, ña tiyashcataca, ñucanchicmi uyarcanchic, shinallatac ñucanchic quiquin ñahuihuantacmi ricurcanchic. Shina ricushpa ñucanchic maquihuantac tuparishpami, chai Rimashca Shimica causaita cuc cashcata yachanchic.

MARCOS 13:19

Chai punzhacunaca mancharina llaquimi canga. Chashna llaquicunaca Dios cai pachata ruhuashca punzhamanta cunancaman mana tiyashcachu. Quipa punzhapipish mana tiyangachu.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

SALMOS 104:30

Cambac Espirituta cachacpimi cutin miran. Shina ruhuashpami allpapi tiyactaca mushucyachingui.

1 CRÓNICAS 16:26

Gentecunapac dioscunaca, imapish mana cac yanga dioscunami. Ashtahuanpish Mandac Diosmi jahua pachacunataca ruhuarca.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

EFESIOS 3:9

Tucuita ruhuac Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca:

JOB 26:13

Paipac samaihuan pucushpami jahua pachataca achicta ruhuarca. Paipac maquihuanmi callpac culebratapish huañuchirca.

ECLESIASTÉS 12:1

Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

JOB 9:8

Paillami jahua pachatapish telata chutac shina churarca. Paica caiman chaiman cuyucuc mama cucha jahuatami purin.

ISAÍAS 40:21

Cancunaca, ¿manachu yacharcanguichic? ¿Manachu uyashcanguichic? Callarimanta pacha, ¿manachu pipish huillarca? Cai pachata ruhuashca punzhamanta pacha, ¿manachu pipish yachachirca?

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

2 CRÓNICAS 2:11

Chaimantami Tiro llactata jatun mandac Hiram Salomonman quillcashpaca: «¡Mandac Diosca pai acllashcacunata cuyashpami, cantaca paicunapac jatun mandac cachun churashca!» nirca.

SALMOS 8:4

Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.