GÁLATAS 6:9 - Dios Rimashcata Quillcashcami

⁹ Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

Nuevo Testamento en Quichua Cañar 1996

⁹ Chaimanta ima allita ruhuanataca mana shaicushpami ruhuana canchic. Chashna mana shaicushpa allita ruhuashpa causashpaca, japina punzha chayamucpica japishunmi.

GÁLATAS 6:9 Referans Kwoze

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

2 TESALONICENSES 3:13

Shina cacpipish cuyashca criccuna, cancunaca allita ruhuanataca ama shaicuichicchu.

HEBREOS 12:3

Jesusca juchayuc gentecuna piñashca, yallita llaquichishcami carca. Chaita yuyarishpaca, ama shaicuichicchu.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.

SANTIAGO 5:7

Cuyashca criccuna, mana piñarishpa Apunchic Jesús cutimungacaman shuyaichiclla. Allpapi tarpuc runaca mana piñarishpami tamyatapish granota tandana punzhatapish shuyacunlla.

1 PEDRO 3:17

Dios chai shina munacpica, mana allita ruhuashcamanta llaquita apanapac randica, allita ruhuashcamanta llaquita apanami ashtahuan alli.

2 CORINTIOS 4:16

Ñucanchic cuerpo punzhanta maucayashpa tucurimucpipish, ñucanchic almaca punzhantami mushucyashpa caticun. Chaimantami mana shaicunchic.

APOCALIPSIS 2:3

Ñucata caticushcamanta llaquicunata apashpapish, mana piñarishpa, mana shaicushpa caticushcatapish yachanimi.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

SAN MATEO 24:13

Chaica, pipish tucuricaman llaquicunata apactaca quishpiringami.

LEVÍTICO 26:4

tamyana punzhacunapimi tamyachisha. Chashna tamyachicpica, allpapica alli granomi pucunga. Yuracunapish sumac micunatami pucunga.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

DEUTERONOMIO 11:14

punta tamyatapish, quipa tamyatapish cachangami. Chaimantami granotapish, vinotapish, aceitetapish japinguichic.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

SALMOS 145:15

Tucuimi canllata chapacuncuna. Paicuna micunataca micuna horasmi carangui.

HEBREOS 3:6

Ashtahuanpish Jesucristoca Diospac churi cashpami, Diospac huasita mandacun. Tucuri punzhacaman tucui shunguhuan cushicushpa shuyashpaca, ñucanchicmi chai huasica canchic.

SOFONÍAS 3:16

Chai punzhapica Jerusalenpi causaccunataca: “¡Sión llactalla, ama manchaichicchu, cancunapac maquipish ama fuerza illac saquirichun!” ningami.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

EFESIOS 3:13

Shina cashcamanta ñuca cancunamanta llaquita apacucpipish ama llaquirishpa, ashtahuanpish ñaupaman catichunmi mañani. Cancunapac allipacmi cashna llaquicunata apacuni.

SALMOS 104:27

Chai tucui animalcunami micuna horaspi, can carachun shuyacun.

HEBREOS 12:5

Cancunaca ñami huahuata shina, Dios cunashcataca cungarishcanguichic. Dios quillcachishcapica: «¡Ñuca huahualla! Dios llaquichicpica ama yangalla cashcata yuyaichicchu. Shinallatac pai llaquichicpica, ama shaicuichicchu.

MALAQUÍAS 1:13

Shinallatac cancunaca: “¡Caita ruhuanataca shaicunchicmi!” nishpami, ñucata yangapi churarcanguichic. Shinallatac lisiado, suchu, ungushca animalcunata ñucaman cungapac apamushpami yallita piñachircanguichic. ¿Chaitaca cancunapac maquimantaca chasquishachu?

SALMOS 126:5

Huacashpa tarpuccunaca cushicushpami cosechangacuna.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

ECLESIASTÉS 11:1

Cambac tandata yacupi cachai. Achca punzhacuna quipami cutin japingui.

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.

2 CORINTIOS 9:6

Ashallata tarpucca ashallatami tandanga. Achcata tarpucca achcatami tandanga. Chaitaca alli yuyarichic.

GÉNESIS 29:7

Shina nicpimi Jacoboca: —Manarac animalcunata tandachina horaschu, chairac punzharacmi, yacuta ubiachishpa, cutinllatac michingapac richic— nirca.

SAN MATEO 9:19

Chashna nicpimi Jesusca jatarishpa, paipac yachacuccunahuan, runahuan rirca.

SAN MATEO 25:17

Ishcai talento cullquita japicpish, chai shinallatacmi mirachirca.

MARCOS 3:3

Jesusca chai maqui chaquishca runataca: —Jatari, caipi caccunapac chaupipi shayari— nirca.